ٹریفک ای چالان اب بجلی کے بل میں لگ کر آئیں گے؟ تجویز پیش کر دی گئی
ایک ملک کے وزیراعظم پر موبائل فون چوری کا الزام، پارلیمنٹ نے استثنیٰ ختم کر دیا!
اہلیہ کے علاج کیلیے مسلسل جدوجہد، 81 سالہ شوہر کی ویڈیو نے سب کو رُلا دیا
پکوڑے کے اسٹال میں ’چٹنی‘ نہ ملنے پر لاتیں اور مُکے چل گئے، ویڈیو وائرل
کراچی کے علاقے ڈیفنس میں نوجوان کو کرائم اسٹوری کی اسکرپٹنگ کے لیے اے آئی سے مدد لینا مہنگا پڑ گیا ہے۔
اے آر وائی نیوز کے مطابق نوجوان نے مبینہ طور پر باپ کی توہین کے خلاف کارروائی کے لیے اے آئی سے مدد مانگی جس نے نوجوان کے مشکوک سوالات کو خلاف ورزی مانتے ہوئے سرگرمیوں کی اطلاع امریکی ادارے ایف بی آئی کو دے دی۔
ایف بی آئی نے پاکستانی ایجنسی کو اطلاع کی، این سی سی آئی اے نے کارروائی کرکے ڈی ایچ اے سے نوجوان کو حراست میں لے لیا۔
تحقیقات سے معلوم ہوا کہ نوجوان کے والد کے ساتھ کوئی واقعہ پیش نہیں آیا جبکہ تحقیقات مکمل ہونے پر اسے چھوڑ دیا گیا ہے۔
واضح رہے کہ 23 ستمبر کو نیشنل سائبر کرائم انویسٹی گیشن ایجنسی (این سی سی آئی اے) پنجاب نے ایک کارروائی کے دوران بہاولپور سے 17 سالہ طالب علم کو گرفتار کیا تھا جس نے اپنے باپ کو قتل کرنے کے لیے مصنوعی ذہانت کا سہارا لیا تھا۔
این سی سی آئی اے کو بیرون ملک سے خفیہ انٹیلی جنس اطلاع موصول ہوئی تھی جس پر فوری ایکشن لیتے ہوئے ٹیموں نے بہاولپور سے ملزم کو حراست میں لیا۔
تحقیقات کے دوران یہ بات سامنے آئی ہے کہ مشہور امریکی کرائم ڈرامہ سیریز ‘بریکنگ بیڈ’ (Breaking Bad) سے متاثر ہو کر ملزم نے گھر کے اندر ہی ایک خفیہ لیبارٹری قائم کر رکھی تھی۔
ملزم نے زہر تیار کرنے کے لیے کیمیائی مواد آسٹریلیا اور اسلام آباد کے مختلف ذرائع سے آن لائن منگوایا تھا۔
