پولیس کے مطابق 29 افراد کو 30 دن کے لیے نظر بند کردیا گیا

پی ٹی آئی کے اسلام آباد مارچ اور دھرنے کی کال کے بعد بانی پی ٹی آئی کی بہنوں سمیت 37 کارکنوں اور مقامی رہنماؤں کو گرفتار کرلیا گیا، پولیس کے مطابق 29 افراد کو 30 دن کے لیے نظر بند کردیا گیا۔

پولیس کے مطابق کارکنوں اور رہنماؤں کی نظربندی تھری ایم پی او کے تحت کی گئی، جبکہ 4 رہنماؤں کو 9 مئی کے مقدمات میں گرفتار کیا گیا ہے۔

پولیس کا کہنا ہے کہ متحرک کارکنوں کی فہرستیں مرتب کرکے کارروائیاں شروع کردی گئی ہیں۔