آرم ریسلر نے بچی کے والد سے جان بوجھ کر ہار کر سب کے دل جیت لیے

2300 سال سے زائد قدیم ارسطو کا اسکول دریافت

ملازم نے 10 ہزار روپے کم تنخواہ دینے پر فیکٹری کو آگ لگادی

شیرخوار بیٹی کو اوون میں ڈالنے والی ماں کو سزا ہوگئی

ایئربس نے تقریباً 500 A321neo طیاروں میں معیار سے متعلق نقص کی نشاندہی کی ہے۔

ایئربس نے تیاری کے عمل میں معیار سے متعلق ایک ایسے نقص کی نشاندہی کی ہے جو تقریباً 500 A321neo طیاروں کو متاثر کر رہا ہے۔

ان میں وہ تقریباً 250 طیارے بھی شامل ہیں جو پہلے ہی زیرِ استعمال ہیں۔

یورپی طیارہ ساز کمپنی کا کہنا ہے کہ اس مسئلے کے باعث طیارے کے مرکزی ڈھانچے (فیوزلاج) کے ایک حصے میں زنگ یا کٹاؤ (corrosion) کے خلاف مزاحمت کم ہو سکتی ہے تاہم، کمپنی نے اس بات پر زور دیا ہے کہ اس سے حفاظت کو کوئی خطرہ لاحق نہیں ہے اور متاثرہ طیارے پرواز جاری رکھ سکتے ہیں۔

اس معاملے سے واقف ذرائع نے خبر ایجنسی اے ایف پی کو بتایا کہ اس مسئلے سے متاثر ہونے والے تقریباً 250 مزید طیارے تیاری کے مختلف مراحل میں ہیں۔

یہ مسئلہ A321neo کے فیوزلاج (طیارے کے مرکزی ڈھانچے) کے نچلے اگلے حصے میں موجود ‘سٹرنگرز’ (stringers) کہلانے والے ساختی پرزوں پر کی جانے والی حفاظتی تہہ (surface protection) سے متعلق ہے۔

ایئربس کا کہنا ہے کہ اس نے مسئلے کی وجہ کی نشاندہی کر کے اسے قابو کر لیا ہے اور اس کا حل بھی موجود ہے۔