اذان اویس 29، شان مسعود 15 رنز کیساتھ کریز پر موجود، صائم ایوب پھر سے ناکام

پاکستان کے خلاف تیسرے اور آخری ٹیسٹ میچ میں انگلینڈ نے پہلی اننگز میں ہیری بروک، ڈان لارنس اور جمی اسمتھ اوررابنسن کی شاندار بیٹنگ کی بدولت 320 رنز کی برتری حاصل کی، جواب میں پاکستان کی ٹیم نے 2 وکٹوں کے نقصان پر 42 رنز بنالیے جبکہ بارش کے باعث میچ روک دیا گیا ہے۔

برمنگھم کے ایجبسٹن اسٹیڈیم میں انگلینڈ نے دوسرے روز ڈین لارینس اور ہیری بروک نے جارحانہ آغاز کیا اور پہلے ہی سیشن میں برتری 100 رنز سے زائد تک پہنچائی اور 453 رنز بناکر آل آؤٹ ہوگئی۔

پاکستان کی جانب سے سبقت برابر کرنے کیلیے شروع کی جانے والی دوسری اننگز میں بھی اوپنر صائم ایوب ایک بار پھر کھاتہ کھولنے میں ناکام رہے اور صفر پر آؤٹ ہوگئے۔ اس کے بعد عبد اللہ شفیق بھی بغیر کوئی رن بنائے پویلین لوٹے۔ دونوں کھلاڑیوں کو رابنسن نے آؤٹ کیا اور میڈان اوور کروایا۔

انگلینڈ کی ٹیم مجموعی طور پر 453 رنز بناکر آل آؤٹ ہوگئی، ہیری بروک 75، جیمز اسمتھ 69، لارنس 65 اور رابنسن نے شاندار بلے بازی کرتے ہوئے نصف سنچری اسکور کی جبکہ پاکستانی بولر انگلش بلے بازوں کے آگے بے بس نظر آئے۔

پاکستان کی جانب سے رضا اللہ نے چار، محمد عمران نے دو، محمد عباس اور محمد علی نے ایک ایک وکٹ حاصل کی جبکہ صائم ایوب کوئی کھاتہ نہ کھول سکے۔

دوسرے روز کا کھیل شروع ہوا تو انگلینڈ کی پانچویں وکٹ 229 رنز پر گری جب ہیری بروک 75 رنز بناکر رن آؤٹ ہوئے۔

سابق کرکٹ لیجنڈز سمیت بھارتی ناقدین بھی رضا اللہ کی بولنگ کے معترف

ٹیم میں نام آیا تو پاسپورٹ تک نہیں تھا، رضااللہ کے انگلینڈ پہنچنے کا حیران کن سفر

انگلینڈ کے اولی رابنسن ٹیسٹ کرکٹ میں 100 وکٹیں حاصل کرنیوالے 50ویں بولر بن گئے

اس کے بعد آؤٹ ہونے والے کھلاڑی ڈان لارنس تھے جو 65 رنز بناکر محمد عمران کا شکار بنے اور یوں انہوں نے پہلی وکٹ حاصل کی۔

نئے آنے والے بلے باز اسمتھ نے شاندار بیٹنگ کرتے ہوئے کھانے کے وقفے تک نصف سنچری اسکور کی جبکہ گس اٹکنسن اُن کے ساتھ 15 رنز کے ساتھ کریز پر موجود تھے۔ تاہم انہیں 19 کے انفرادی اسکور پر محمد عمران نے آؤٹ کیا۔

آٹھویں آؤٹ ہونے والے کھلاڑی جیمز اسمتھ تھے جنہوں نے 69 رنز کی شاندار اننگز کھیلی اور وہ رضا اللہ کا شکار بنے۔ اس کے بعد روبنسن کو بھی رضا اللہ نے اپنا شکار بناکر 50 رنز پر پویلین واپس بھیجا جبکہ آخری آؤٹ ہونے والے کھلاڑی جوش ٹنگ تھے۔

پاکستان کی جانب سے ڈیبیوٹنٹ رضا اللہ نے 4، محمد عمران نے دو، جبکہ محمد عباس اور محمد علی نے ایک ایک وکٹ حاصل کی۔ دوسرے روز وکٹ لینے کا کھاتہ محمد عمران نے کھولا اس کے بعد رضا اللہ نے لگاتار دو وکٹیں لے کر انگش بیٹنگ لائن کو بڑی لیڈ سے دور رکھا۔

گزشتہ روز ایمیلیو گے 60، بین ڈکٹ 11، کپتان جو روٹ 8 اور جورڈن کوکس 4 رنز بناکر آؤٹ ہوئے تھے۔

یاد رہے کہ پاکستان ٹیم پہلی اننگز میں 133 رنز پر ڈھیر ہوگئی تھی۔ سعود شکیل 43 اور محمد عباس 21 رنز بناکر نمایاں رہے تھے۔