جوڑے نے فی الحال متوقع بچے کی پیدائش کی تاریخ یا دیگر تفصیلات شیئر نہیں کیں۔

بالی ووڈ اداکارہ کیارا ایڈوانی اور ان کے شوہر و اداکار سدھارتھ ملہوترا نے مداحوں کو خوشخبری سناتے ہوئے اعلان کیا ہے کہ وہ دوسری بار والدین بننے والے ہیں۔

کیارا نے انسٹاگرام پر ایک خوبصورت تصویر شیئر کی جس میں ان کی بیٹی سرایاہ کا ہاتھ دو ننھے موزے تھامے نظر آیا۔

اداکارہ نے پوسٹ کے کیپشن میں لکھا کہ وہ ایک بار پھر زندگی کے سب سے بڑے تحفے سے نوازی گئی ہیں اور ان کا دل محبت اور شکرگزاری سے بھرا ہوا ہے۔

View this post on Instagram

اعلان کے بعد کرشمہ کپور، کرن جوہر، کرینہ کپور، منیش ملہوترا، گوہر خان سمیت کئی شوبز شخصیات نے جوڑے کو مبارکباد دی۔

واضح رہے کہ سدھارتھ اور کیارا نے فروری 2023 میں شادی کی تھی جبکہ ان کے ہاں پہلی بیٹی گزشتہ سال جولائی میں پیدا ہوئی تھی۔