وینزویلا کی گول کیپر ویلریا ریبانالیس نے شاندار کارکردگی دکھاتے ہوئے ٹیم کو فتح دلائی
وینزویلا نے روزاریو میں کھیلے گئے 2026 ساؤتھ امریکن گیمز کے ویمنز انڈر 20 فٹبال فائنل میں چلی کو شکست دے کر گولڈ میڈل اپنے نام کرلیا۔
تاہم سوشل میڈیا پر وائرل ویڈیوز میں دیکھا جاسکتا ہے میچ کے بعد ہونے والے ہنگامے نے وینزویلا کی کامیابی کی خوشی کو متاثر کردیا۔
میچ کا پہلا ہاف بغیر کسی گول کے ختم ہواجبکہ دوسرے ہاف کے آغاز میں چلی نے برتری حاصل کرلی جو پورے میچ میں برقرار رکھی لیکن انجری ٹائم میں باکس کے اندر ہینڈ بال کے باعث وینزویلا کو پنالٹی مل گئی۔
کارلا الفونزو نے پنالٹی کو گول میں تبدیل کرکے مقابلہ برابر کردیا جس کے بعد فیصلہ پنالٹی شوٹ آؤٹ میں ہوا۔
وینزویلا کی گول کیپر ویلریا ریبانالیس نے شاندار کارکردگی دکھاتے ہوئے ٹیم کو فتح دلائی۔
تاہم آخری سیٹی کے فوراً بعد دونوں ٹیموں کے کھلاڑیوں اور کوچنگ اسٹاف میں تلخ کلامی شروع ہوگئی، جو دیکھتے ہی دیکھتے ہاتھا پائی میں بدل گئی۔
The Chilean women’s team assaulted the Venezuelan team after losing on penalties. They had also assaulted the Uruguayan team earlier. pic.twitter.com/mD08aYlEmb — Troll Football Media (@TrollFootball2) September 24, 2026
The Chilean women’s team assaulted the Venezuelan team after losing on penalties. They had also assaulted the Uruguayan team earlier. pic.twitter.com/mD08aYlEmb
حکام نے بڑی مشکل سے فریقین کو الگ کرکے معاملہ رفع دفع کیا۔
