کراچی میں لڑکیاں ای بائیکس بھی تیار کرنے لگیں

ایک رات میں 1500 افراد غائب : آسیب زدہ گاؤں کا 200 سال پرانا خوفناک راز آج بھی زندہ

ٹریفک پولیس اہلکاروں کے یونیفارم سفید ہی کیوں ہوتے ہیں؟

جوڑے کی جنگل میں انسٹاگرام لائیو کے دوران خودکشی، اہل خانہ بھی دیکھتے رہے

واشنگٹن: نیویارک کی گورنر کیتھی ہوکل نے ریاست میں خسرے کی وبا کے باعث ہنگامی حالت نافذ کر دی جو 4 نومبر تک جاری رہے گی ، یہ 2025 میں خسرے کے کیسز میں اضافے کے بعد کسی امریکی ریاست کی جانب سے اس نوعیت کا پہلا اعلان ہے۔

رائٹرز کا اس حوالے سے کہنا ہے کہ نیویارک ریاست نے خسرے کے کیسز میں اضافے کے پیشِ نظر خسرہ، ممپس اور روبیلا (MMR) ویکسین لگانے کی اجازت رکھنے والے طبی ماہرین کی تعداد خاص طور پر دیہی علاقوں میں بڑھا دی ہے۔

رپورٹس کے مطابق گورنر کیتھی ہوکل نے گزشتہ روز بیان میں کہا ہے کہ کسی شخص کو ایسی بیماری سے شدید بیمار یا ہلاک نہیں ہونا چاہیے جس سے ویکسین کے ذریعے بچا ئو ممکن ہو۔

ریاستی حکام کا کہنا ہے کہ 3 اکتوبر تک نیویارک میں رواں سال خسرے کے 108 کیس رپورٹ ہوئے ، ان میں سے 92 کیس 15 جولائی کے بعد سامنے آئے اور یہ کیس کم ویکسی نیشن والے دیہی علاقوں کی 18 کاؤنٹیز میں پائے گئے۔

7 کیسز نیویارک سٹی میں اور 101 کیسز ریاست کے دیگر علاقوں سے رپورٹ ہوئے، 15 جولائی کے بعد دیہی علاقوں میں 1,000 سے زائد MMR ویکسین کی خوراکیں دی جا چکی ہیں۔

سعودی ولی عہد شہزادہ محمد بن سلمان نے خون کا عطیہ دے کر مہم کا افتتاح کر دیا

نیویارک کی ہمسایہ ریاست پنسلوانیا بھی خسرے کی تیزی سے پھیلتی وبا سے متاثر ہے، 2 اکتوبر تک پنسلوانیا میں خسرے کے 977 کیس اور 5 اموات رپورٹ ہوئیں جن میں زیادہ تر کیسز نیویارک سے متصل دیہی کاؤنٹیز میں سامنے آئے۔