وفاقی حکومت نے اہم اداروں میں تبادلے اور تعیناتیوں کا اعلان کیا تھا
نیشنل کائونٹر ٹیررازم اتھارٹی (نیکٹا) کے نیشنل کوآرڈینیٹر میجر جنرل فیصل نصیر نے اپنے عہدے کا چارج سنبھال لیا۔
وفاقی حکومت نے اہم اداروں میں تبادلے اور تعیناتیوں کا اعلان کیا تھا، میجر جنرل فیصل نصیر کو تین سال کے لیے نیکٹا کا نیشنل کوآرڈینیٹر تعینات کیا گیا تھا۔
اسٹیبلشمنٹ ڈویژن سے جاری کیے گئے مختلف نوٹی فکیشنز کے مطابق اسٹیبلشمنٹ ڈویژن میں او ایس ڈی اور سیکریٹریٹ گروپ گریڈ 21 کے محمد ریاض الدین خان کو اسٹیٹ لائف انشورنس کو ای ڈی تعینات کیا گیا، وفاقی سیکریٹری آئی ٹی ضرار ہاشم خان کے کنٹریکٹ میں 4 ستمبر 2026 سے ایک سال کی توسیع کی گئی ہے۔
اسی طرح جوائنٹ سیکریٹری وزیراعظم آفس جہانگیر مشتاق کی تعیناتی میں بھی ایک سال کی توسیع کر دی گئی ہے۔ تقرری کے منتظر پولیس سروس گریڈ 20 کے نوید احمد نثار خواجہ کی خدمات فرنٹیئر کانسٹیبلری کے حوالے کر دی گئی ہیں، تقرری کے منتظر پولیس سروس گریڈ 20 کے محمد کریم خان کی خدمات ایف آئی اے کے سپردکی گئی ہیں اور پولیس سروس گریڈ 19 کے احسن سیف اللّہ کی خدمات پنجاب کے سپرد کی گئی ہیں، اسی طرح تقرری کے منتظر گریڈ 20 کے عمران جاوید کی بیرون ملک 14 یوم کی رخصت منظور کرلی گئی ہے۔
نوٹیفکیشن کے مطابق وفاقی سیکریٹری آئی ٹی ضرار ہاشم خان کے کنٹریکٹ میں 4 ستمبر 2026 سے ایک سال کی توسیع کی گئی ہے۔
اسی طرح جوائنٹ سیکریٹری وزیراعظم آفس جہانگیر مشتاق کی تعیناتی میں بھی ایک سال کی توسیع کر دی گئی ہے، تقرری کے منتظر پولیس سروس گریڈ 20 کے نوید احمد نثار خواجہ کی خدمات فرنٹیئر کانسٹیبلری کے حوالے کر دی گئی ہیں۔
مزید بتایا گیا کہ تقرری کے منتظر پولیس سروس گریڈ 20 کے محمد کریم خان کی خدمات ایف آئی اے کے اور پولیس سروس گریڈ 19 کے احسن سیف اللّہ کی خدمات پنجاب کے سپرد کردی گئی ہے۔
