گرل فرینڈ نے اپنے بوائے فرینڈ کو دوسری لڑکی کیساتھ پارک میں دیکھ لیا تھا

بھارت کے شہر لکھنؤ میں بوائے فرینڈ کو دوسری لڑکی کے ساتھ دیکھنے پر گرل فرینڈ نے ایسا ہنگامہ برپا کیا کہ گاڑی کے بونٹ پر چڑھ گئی واقعے کی ویڈیو سوشل میڈیا پر وائرل ہوگئی۔

بھارتی میڈیا کے مطابق یہ واقعہ لکھنؤ کے گومتی نگر میں واقع جنیشور مشرا پارک کے قریب پیش آیا جہاں ایک شخص اپنی خاتون دوست کے ساتھ موجود تھا۔

بوائے فرینڈ کے دوسری لڑکی کے ساتھ پارک آنے کی اطلاع ملنے پر اس کی گرل فرینڈ بھی موقع پر پہنچ گئی اور دونوں کے درمیان تلخ کلامی شروع ہوگئی۔

جھگڑے کے دوران نوجوان جلدی سے اپنی گاڑی میں بیٹھا اور وہاں سے نکلنے کی کوشش کی تاہم گرل فرینڈ اسے روکنے کے لیے گاڑی کے آگے آکر بونٹ پر چڑھ گئی۔

وائرل ویڈیو میں دیکھا جاسکتا ہے کہ خاتون ننگے پاؤں گاڑی کے سامنے موجود ہے اور گاڑی کے بونٹ پر ہاتھ مارتے ہوئے نوجوان سے گاڑی روکنے کا مطالبہ کر رہی ہے۔

اس دوران بوائے فرینڈ نے ان سنی کرتے ہوئے گاڑی آہستہ آہستہ آگے بڑھانا شروع کردی جس پر گرل فرینڈ بونٹ پر ہی چڑھ گئی تاکہ کار رکواسکیں۔

ویڈیو میں گرل فرینڈ کو یہ کہتے ہوئے بھی سنا جاسکتا ہے کہ وہ مرنے والی نہیں اور اپنے بے وفا بوائے فرینڈ سے گاڑی روکنے کا مطالبہ کرتی رہی۔

تاہم چند منٹ بعد ڈرائیور نے گاڑی کی رفتار بڑھا دی جس کے نتیجے میں خاتون بونٹ سے نیچے گر گئیں اور نوجوان گاڑی لے کر فرار ہوگیا۔

#BREAKING | Woman hit by car, dragged on bonnet after dispute in Lucknow NDTV's @AjayDindian joins @GargiRawat with more details pic.twitter.com/UfB4kSLCh2 — NDTV (@ndtv) September 16, 2026

#BREAKING | Woman hit by car, dragged on bonnet after dispute in Lucknow NDTV's @AjayDindian joins @GargiRawat with more details pic.twitter.com/UfB4kSLCh2

رپورٹ کے مطابق گرل فرینڈ کی جانب سے پولیس کو باقاعدہ شکایت بھی دی گئی ہے۔ پولیس نے گاڑی کے رجسٹریشن نمبر کی مدد سے مبینہ ملزم کی تلاش شروع کردی۔