ویڈیو میں ایک عام شخص آرکونا سے آرم ریسلنگ کرتا دکھائی دیتا ہے

جرمن آرم ریسلر لیونیڈاس آرکونا کی ایک دلچسپ ویڈیو سوشل میڈیا پر وائرل ہو رہی ہے جس میں انہوں نے اپنی طاقت دکھانے کے بجائے ایک باپ کیلئے مقابلہ یادگار بنا دیا۔

ویڈیو میں ایک عام شخص آرکونا سے آرم ریسلنگ کرتا دکھائی دیتا ہے جبکہ اس کی ننھی بیٹی قریب کھڑی پرجوش انداز میں اپنے والد کو دیکھ رہی ہوتی ہے۔

آرکونا نے بظاہر جان بوجھ کر مقابلہ ہار کر والد کو بیٹی کے سامنے جیتنے کا موقع دے دیا۔

View this post on Instagram

جیت کے بعد خوشی سے نہال والد نے بیٹی کو گلے لگا لیا جبکہ وہاں موجود افراد نے بھی خوب داد دی۔

یہ خوبصورت لمحہ سوشل میڈیا صارفین کے دل جیت رہا ہے، جہاں لوگ اسے کھیل کے جذبے اور انسانیت کی خوبصورت مثال قرار دے رہے ہیں۔