فلم کی نمائش کے بعد حاضرین کا ردعمل خاصا جذباتی رہا

غزہ میں عام شہریوں کی ہلاکتوں پر بنائی گئی دستاویزی فلم ’نازا‘ کو وینس فلم فیسٹیول میں غیرمعمولی پذیرائی ملی، جہاں فلم کی نمائش کے بعد حاضرین نے 25 منٹ تک کھڑے ہو کر تالیاں بجائیں۔

دستاویزی فلم کو اسرائیلی صحافیوں یووال ابراہم اور ریچل زور نے ڈائریکٹ کیا ہے جس میں غزہ میں شہریوں کی ہلاکتوں سے متعلق اسرائیلی انٹیلی جنس افسران اور فوجیوں کی گواہیوں کو بنیاد بنایا گیا ہے۔

View this post on Instagram

فلم سازوں کا کہنا ہے کہ وہ اس دستاویزی فلم کے ذریعے ایسی حقیقت ناظرین کے سامنے لانا چاہتے ہیں جسے دیکھنے کے بعد ان کیلئے اس معاملے پر خاموش رہنا مشکل ہو جائے۔

وینس فلم فیسٹیول میں فلم کی نمائش کے بعد حاضرین کا ردعمل بھی خاصا جذباتی رہا اور فلم کو طویل اسٹینڈنگ اوویشن ملا جو تقریباً 25 منٹ تک جاری رہا۔