ملاقات ترکیہ کی سکیورٹی اور انٹیلی جنس اداروں کی دعوت پر ہوئی
رائٹرز نے رپورٹ کیا ہے کہ شامی حکومت کے نمائندوں اور لبنان کی حزب اللہ کے درمیان ایک خفیہ براہِ راست ملاقات ہوئی ہے۔
یہ دونوں فریقوں کے درمیان بشار الاسد حکومت کے خاتمے کے بعد پہلا معلوم براہِ راست رابطہ تھا۔
ملاقات کا بنیادی مقصد شام اور حزب اللہ کے درمیان بڑھتی کشیدگی کو کم کرنا تھا۔ مذاکرات میں شامی انٹیلی جنس اور وزارتِ خارجہ کے حکام جبکہ حزب اللہ کے نمائندے شریک ہوئے۔
ذرائع کے مطابق ملاقات ترکیہ کی سکیورٹی اور انٹیلی جنس اداروں کی دعوت پر ہوئی۔
شام نے حزب اللہ سے سرحد پار اسمگلنگ روکنے اور شام، خصوصاً جنوبی علاقوں میں اس کے باقی ماندہ خفیہ نیٹ ورکس کو ختم کرنے میں تعاون کی درخواست کی۔
ایک شامی عہدیدار کے مطابق شام نے حزب اللہ کو یہ یقین دہانی بھی کرائی کہ وہ لبنان میں حزب اللہ کو غیر مسلح کرنے کے لیے فوجی مداخلت نہیں کرے گا۔
