اسکرب کے بعد ایڑیوں پر موئسچرائزر یا پیٹرولیم جیلی کی موٹی تہہ لگائیں
خشک موسم میں جلد کی نمی کم ہونے کے باعث ایڑیاں کھردری، خشک اور پھٹی ہوئی نظر آنے لگتی ہیں۔ اگر آپ بھی اس مسئلے سے پریشان ہیں تو گھر میں موجود چند چیزوں سے اس مسئلے کو حل کریں۔
اس کیلئے آپ کو چینی اور زیتون کا تیل چاہیے ہو گا۔
گھریلو اسکرب کیسے تیار کریں؟
چینی کے باریک ذرات مردہ جلد کو نرمی سے ہٹانے میں مدد دیتے ہیں جبکہ زیتون کا تیل خشک جلد کو نمی فراہم کر کے ایڑیوں کو نرم محسوس کرا سکتا ہے۔
ایک پیالی میں ایک چمچ باریک چینی اور 2 چمچ زیتون کا تیل ملا کر گاڑھا سا مکسچر بنا لیں۔ اسے ایڑیوں پر لگائیں اور چند منٹ بعد انتہائی ہلکے ہاتھ سے مساج کریں، پھر نیم گرم پانی سے پاؤں دھو کر خشک کر لیں۔
نرمی برقرار رکھنے کا آسان طریقہ
اسکرب کے بعد ایڑیوں پر موئسچرائزر یا پیٹرولیم جیلی کی موٹی تہہ لگائیں اور رات کو سوتی جرابیں پہن لیں۔ بہت زیادہ رگڑنے یا روزانہ اسکرب کرنے سے گریز کریں کیونکہ اس سے جلد مزید متاثر ہو سکتی ہے۔
نوٹ: اگر ایڑیاں گہری پھٹی ہوئی ہوں، خون آرہا ہو، شدید درد یا سوجن ہو تو گھریلو اسکرب استعمال کرنے کے بجائے ڈاکٹر سے مشورہ کرنا بہتر ہے۔
