بیوی نے باہر گھمانے نہ لے جانے پر شوہر سے طلاق مانگ لی
ایک ماہ کے شیر خوار کو کئی بار بیچ دیا گیا، والدین سمیت 7 افراد گرفتار
باپ کی لاش چار سال تک فریج میں کیوں رکھی؟ خاندان نے حیران کن وجہ بتادی
خلائی مخلوق یا دیوہیکل جہاز؟ اسٹار شپ کی لائیو اسٹریم میں پُراسرار’یو ایف او‘ کی جھلک وائرل
بھارتی کھلاڑی ایشان کشن نے ایشین گیمز فائنل سے قبل پاکستانی اسپنرز سے خطرے کا اعتراف کرلیا ہے۔
بھارت کے وکٹ کیپر بلے باز ایشان کشن نے پاکستان کی جانب سے اسپن بولنگ کے خطرے کا اعتراف کیا ہے، دونوں ٹیموں کے درمیان ایشین گیمز 2026 کا فائنل 3 اکتوبر (کل) کوروگی اسپورٹس پارک میں کھیلا جانا ہے جبکہ میچ پاکستانی وقت کے مطابق 9:30 بجے شروع ہوگا۔
پاکستان کو فائنل تک پہنچانے میں اسپنرز نے کلیدی کردار ادا کیا ہے کیونکہ جمعرات کو اسی مقام پر کھیلے گئے پہلے سیمی فائنل میں بنگلا دیش کی گرنے والی تمام چھ وکٹیں اسپنرز ہی نے حاصل کی تھیں۔
پاکستان کی اسپن بولنگ کی قیادت بائیں ہاتھ کے بولر سفیان مقیم نے کی جنہوں نے اپنے تین اوورز میں 26 رنز کے عوض تین وکٹیں حاصل کیں۔
انہیں ساتھی بائیں ہاتھ کے اسپنر عرفات منہاس کا ساتھ ملا جنہوں نے اتنے ہی اوورز میں 23 رنز دے کر 2 وکٹیں حاصل کیں جبکہ صائم ایوب نے اپنے دو اوورز میں صرف تین رنز دے کر ایک وکٹ حاصل کی۔
اب روایتی حریف پاکستان کے خلاف اسپن کے چیلنج کا سامنا کرنے کے لیے پرعزم ہیں۔
تاہم 28 سالہ کھلاڑی ایشان کشن نے کہا کہ وہ فائنل کے بارے میں زیادہ نہیں سوچ رہے بلکہ وہ پرسکون رہنا اور اہم لمحات سے لطف اندوز ہونا چاہتے ہیں۔
ان کا کہنا ہے کہ پاکستان بھی اسپنرز کے لیے سازگار ٹیم ہے ساتھ ہی آپ جانتے ہیں کہ اس بارے میں نہیں سوچتے کہ دو دن بعد کیا ہونے والا ہے، آپ بس پرسکون رہتے ہیں، اپنے شاٹس کھیلتے ہیں حال میں رہتے ہیں اور ان اہم لمحات سے لطف اندوز ہوتے ہیں۔
