ٹیڈ کازنسکی : انتہائی ذہین طالب علم ’یونابومبر‘ کیسے بن گیا؟ ہوشربا داستان
امریکا میں ’شارک‘ سڑکوں پر تیرنے لگیں
درخت کی ٹہنی گرنے سے زخمی شہری کو 8 کروڑ معاوضہ دینے کا حکم
بھارت میں کیا اب گدھے نرس کی ذمہ داریاں نبھائیں گے؟ نرسنگ رجسٹریشن سرٹیفکیٹ جاری
ٹوکیو (یکم اکتوبر 2026): جاپان میں مقیم وہ غیر ملکی شہری جو وہاں مستقل رہائش کے خواہشمند ہیں ان کے لیے بری خبر ہے۔
غیر ملکی میڈیا کے مطابق جاپان نے ان غیر ملکی شہریوں کے لیے فیسوں میں اضافہ کر دیا جو اپنی رہائشی حیثیت کو تبدیل یا اس کی تجدید کروانا چاہتے ہیں۔
حکومت کے اس اقدام سے مستقل رہائش کے حصول کی لاگت میں 20 گنا اضافہ ہو گیا ہے اور وہ بڑھ کر 200,000 ین (1,280 ڈالر) ہو گئی ہے۔
رپورٹ میں کہا گیا ہے کہ فیسوں میں ہونے والا یہ اضافہ وزیر اعظم سنائے تاکائچی کی جاپان کی امیگریشن پالیسی میں کی جانے والی تبدیلیوں کا حصہ ہے، جن کا مقصد تیزی سے بڑھتی ہوئی غیر ملکی آبادی کا انتظام کرنا ہے۔
جاپانی وزیراعظم نے گزشتہ سال اکتوبر میں عہدہ سنبھالنے کے بعد سے امیگریشن کے انتظام کو اپنی اہم ترجیحات میں شامل رکھا ہے۔
اس سے قبل تین ماہ قبل جولائی میں، جاپان نے تمام غیر ملکیوں کے لیے ویزا فیس میں پانچ گنا اضافہ کیا تھا، جو گزشتہ 50 سالوں میں ویزا فیس میں پہلا اضافہ تھا۔ اس وقت حکام کا کہنا تھا کہ اس کا مقصد "مہنگائی اور شرح مبادلہ میں اتار چڑھاؤ کی عکاسی کرنا” تھا۔
فیسوں میں اضافے سے قبل، جاپان میں غیر مستقل رہائشیوں کو اپنی رہائشی حیثیت تبدیل کرنے یا قیام کی مدت میں توسیع کے لیے ہر بار 6,000 ین ادا کرنے پڑتے تھے۔
اب یکم اکتوبر سے، فیس کا تعین قیام کی مطلوبہ مدت کے لحاظ سے کیا جائے گا؛ یہ مدت تین ماہ یا اس سے کم کے لیے 10,000 ین سے لے کر پانچ سال یا اس سے زیادہ کے لیے 75,000 ین تک ہو سکتی ہے۔
تاہم مالی مشکلات کا شکار درخواست دہندگان یا پناہ گزین (refugees) کے طور پر نامزد افراد کو فیس میں رعایت دی جائے گی۔
دریں اثنا جاپان میں مستقل رہائش کے خواہشمند افراد کے لیے اب یہ بھی ضروری ہوگا کہ وہ جاپان کی اوسط آمدنی کے برابر یا اس سے زیادہ مستحکم آمدنی حاصل کر رہے ہوں۔ جولائی میں جاری ہونے والے تازہ ترین اعداد و شمار کے مطابق، 2024 میں اوسط گھریلو آمدنی 5.75 ملین ین ہے۔
اگلے سال اپریل سے، مستقل رہائش کے درخواست دہندگان کو مزید سخت تقاضوں کا سامنا کرنا پڑے گا، جن میں جاپانی زبان میں بنیادی مہارت بھی شامل ہے۔
مذکورہ شرط کی وجہ سے جاپانی زبان کے اسکولوں میں داخلوں اور ‘جاپانی زبان میں مہارت کے امتحان’ کے لیے رجسٹریشن کروانے والوں کی تعداد میں نمایاں اضافہ ہوا ہے۔
