میسی 6 اکتوبر کو بیونس آئرس کے مونومینٹل اسٹیڈیم میں بینن کے خلاف ارجنٹینا کی جانب سے آخری میچ کھیلیں گے

ارجنٹینا کے لیجنڈری فٹبالر لیونل میسی نے قومی ٹیم کے لیے اپنی آخری پیشی سے قبل خصوصی جرسی کی پہلی جھلک مداحوں کے ساتھ شیئر کردی۔

39 سالہ اسٹار نے انسٹاگرام پر ایڈیڈاس کی تیار کردہ خصوصی ارجنٹینا شرٹ دکھاتے ہوئے لکھا، ’ایک آخری میچ، زندگی بھر کے لیے ایک جرسی‘۔

ارجنٹینا کی روایتی آسمانی اور سفید رنگوں پر مشتمل جرسی میں میسی کے الوداع کو یادگار بنانے کے لیے کئی منفرد تفصیلات شامل کی گئی ہیں۔

پشت پر ’میسی‘ اور مشہور نمبر ’10‘ سنہری رنگ میں درج ہے جبکہ نام کے اوپر ارجنٹینا کے جھنڈے پر موجود خصوصی سورج کا نشان ’سن آف مئی‘ بھی موجود ہے۔

جرسی کے پچھلے حصے پر ایک مخصوص ڈیزائن بھی بنایا گیا ہے۔

Messi's kit for his final game in an Argentina jersey 🥹🇦🇷 Gold numbers for Leo 🐐 (via leomessi/IG) pic.twitter.com/YPoqFBabjX — ESPN FC (@ESPNFC) September 21, 2026

Messi's kit for his final game in an Argentina jersey 🥹🇦🇷 Gold numbers for Leo 🐐 (via leomessi/IG) pic.twitter.com/YPoqFBabjX

میسی 6 اکتوبر کو بیونس آئرس کے مونومینٹل اسٹیڈیم میں بینن کے خلاف ارجنٹینا کی جانب سے آخری میچ کھیلیں گے۔

یہ مقابلہ ان کے بین الاقوامی فٹبال سے الوداع کے طور پر منعقد کیا جا رہا ہے۔

میسی نے ارجنٹینا کے لیے اب تک 207 میچز میں 125 گول کیے ہیں۔

وہ بولیویا اور برکینا فاسو کے خلاف اس سے قبل ہونے والے دوستانہ میچز میں حصہ نہیں لیں گے، اس لیے بینن کے خلاف میچ ان کا 208واں اور آخری بین الاقوامی مقابلہ ہوگا۔