المناک سانحے نے ایک ہنستے بستے خاندان کو اجاڑ کر رکھ دیا
کوہاٹ پولیس لائنز شہدا میں ایک باپ بھی شامل ہے جو اپنے دو کمسن بیٹوں سمیت شہید ہوگیا۔
ایکسپریس کے مطابق کوہاٹ پولیس لائنز کی مسجد کے قریب ہونے والے افسوس ناک دھماکے میں ایک باپ اپنے دو کمسن بیٹوں سمیت شہید ہوگیا۔ اس المناک سانحے نے ایک ہنستے بستے خاندان کو اجاڑ کر رکھ دیا۔ ایک ماں سے اس کا شوہر اور اس کے دو معصوم بچے ہمیشہ کے لیے جدا ہوگئے، جبکہ ایک خاندان کے کئی خواب ایک لمحے میں چکنا چور ہوگئے۔
مذکورہ سانحہ وہ لمحہ فکریہ ہے جس کے لیے یہ سمجھنے کی ضرورت ہے کہ خیبر پختونخوا میں ضروری ہے کہ خیبرپختونخوا میں دہشت گردی کا خطرہ صرف سیکیورٹی فورسز تک محدود نہیں بلکہ عام شہری بھی اس کا نشانہ بن رہے ہیں۔
ضرورت اس امر کی ہے کہ شہریوں کے تحفظ کے لیے موثر اور عملی اقدامات کیے جائیں، دہشت گردی کے خلاف اجتماعی کوششیں مزید مضبوط کی جائیں اور عوام کے جان و مال کے تحفظ کو اولین ترجیح دی جائے۔
