اسمارٹ گلاسز : خواتین کی خفیہ ویڈیوز کیخلاف اہم اقدام
چلتی ٹرین کے ساتھ مسافر کے گھسٹنے کی لزرہ خیز ویڈیو
ڈاکٹروں کا انوکھا کارنامہ، مریض کی ٹوٹی ہوئی ٹانگ پر پلاسٹر کے بجائے گتا باندھ دیا
نوجوان لڑکوں کو لوٹنے والی لٹیری دلہن فرضی رشتے داروں سمیت گرفتار، طریقہ واردات بھی سامنے آگیا
میکسیکو : میکسیکو میں کل 16 ستمبر کو قومی یومِ آزادی کے موقع پر تعطیل کا اعلان کردیا گیا ، قومی دن کی مناسبت سے تمام اسکول، سرکاری دفاتر اور کاروباری مراکز بند رہیں گے۔
تفصیلات کے مطابق میکسیکو 16 ستمبر کو اپنا قومی یومِ آزادی بھرپور قومی جذبے اور روایتی جوش و خروش کے ساتھ منانے کے لیے تیار ہے۔
سال 1810ء میں اسپین سے آزادی کے لیے شروع ہونے والی جدوجہد کی یاد میں یہ دن ہر سال پورے ملک میں سرکاری تعطیل کے طور پر منایا جاتا ہے۔
اگرچہ یومِ آزادی کی سرکاری تاریخ 16 ستمبر ہے، لیکن تقریبات کا باقاعدہ آغاز 15 ستمبر کی شام سے ہی ہو جاتا ہے۔
اس موقع پر سب سے اہم تقریب "گریٹو ڈی ڈولورس” (The Cry of Dolores) ہے، جو 1810ء میں فادر میگوئل ہیڈالگو کی جانب سے آزادی کی تاریخی پکار کی یادگار ہے۔
ملک بھر کے شہروں، قصبوں اور عوام کی جانب سے ہر جگہ قومی پرچم لہرائے جاتے ہیں، جبکہ سرکاری چوک اور عوامی مقامات میکسیکو کے پرچم کے رنگوں (سبز، سفید اور سرخ) سے سجائے جاتے ہیں۔
دارالحکومت کے تاریخی ‘زوکالو’ چوک پر لاکھوں افراد جمع ہوتے ہیں جہاں ملک کا صدر روایتی آئینی اور قومی انداز میں آزادی کا نعرہ بلند کرتا ہے۔
جشن کے دوران روایتی موسیقی، ثقافتی مظاہرے، شاندار آتش بازی اور رواجی کھانے تقریبات کا لازمی حصہ ہوتے ہیں۔
اس قومی دن کی مناسبت سے تمام اسکول، سرکاری دفاتر اور کاروباری مراکز بند رہتے ہیں، جس سے شہریوں کو اپنے خاندان اور دوستوں کے ساتھ خوشیاں منانے کا موقع ملتا ہے۔
دنیا بھر میں مقیم مکسیکن شہری بھی مختلف ممالک میں پریڈز، کنسرٹس اور ثقافتی پروگرامز کا انعقاد کر کے اپنے قومی دن کی خوشیوں میں شریک ہوتے ہیں۔
