بھارت میں شرح منافع کا فرق غیر ملکی سرمایہ کاروں کی توجہ کم کرکے بھارتی منڈی کی کشش گھٹانے لگا
مودی کے معاشی دلاسے دھرے رہ گئے،عالمی سرمایہ کار بھارتی بانڈ مارکیٹ سے تیزی سے کنارہ کش ہونے لگے.
مودی کی ناقص معاشی حکمت عملی سے مایوس عالمی سرمایہ کاروں کا بھارت پراعتماد ختم ہونے لگا.
بھارتی جریدہ دی وائر کے مطابق غیر ملکی سرمایہ کار محفوظ اور بہتر منافع کیلئے بھارتی سرکاری بانڈز سے رقم نکال کر ترقی یافتہ ممالک میں منتقل کر رہے ہیں.
اگست سے اب تک غیر ملکی سرمایہ کار 987 کروڑ روپے کے بھارتی بانڈز فروخت کر چکے ہیں.
بھارت میں شرح منافع کا فرق غیر ملکی سرمایہ کاروں کی توجہ کم کرکے بھارتی منڈی کی کشش گھٹانے لگا، بلومبرگ کیجانب سے بھارتی مقامی قرضوں کوعالمی منڈیوں کے اشارے میں شامل نہ کرنے سے بھارتی سرمایہ کاری کو بڑا دھچکا لگا.
بھارتی صحافی ابھینو تریویدی کا کہنا ہے کہ عالمی سرمایہ کاروں کیلیے کم منافع، بلند مالیت، کمزور کرنسی اور زیادہ ٹیکس بھارتی منڈی میں سرمایہ کاری کا رجحان کم کر رہے ہیں.
