شادی کی تقریب میں دولہا کی مشین گن سے فائرنگ
جب 24 سال سے قید بچوں نے پہلی بار سورج کی روشنی دیکھی
آگ اور بجلی کے بغیر کھانا پکانے کا بیگ، حیرت انگیز ایجاد
لندن سے بنگلادیش جانے والی پرواز میں مسافر لڑ پڑے، ویڈیو وائرل
راولپنڈی (20 ستمبر 2026): ہنگو میں سکیورٹی فورسز سے مقابلے میں 8 خوارج مارے گئے، جبکہ بہادری سے لڑتے ہوئے کیپٹن اور لیفٹیننٹ سمیت 6 جوانوں شہید ہوگئے۔
مسلح افواج کے ترجمان ادارے آئی ایس پی آر نے جاری کردہ بیان میں بتایا کہ ہنگو میں خوارج نے قافلے پر حملہ کیا جس پر سکیورٹی فورسز نے مؤثر جوابی کارروائی کرتے ہوئے فائرنگ کا تبادلے میں فتنہ الخوارج سے تعلق رکھنے والے 8 دہشتگردوں کو ہلاک کیا۔
آئی ایس پی آر نے بتایا کہ شدید فائرنگ کے تبادلے کے دوران گوجرانوالہ کے 23 سالہ کیپٹن ابوذر فاروق اور چکوال کے 22 سالہ لیفٹیننٹ شیراز بابر بہادری سے لڑتے ہوئے دیگر 4 جوانوں سمیت شہید ہوگئے۔
بیان میں کہا گیا کہ علاقے میں موجود کسی بھی ممکنہ خارجی کے خاتمے کیلیے کلیئرنس آپریشن جاری ہے، سکیورٹی فورسز اور قانون نافذ کرنے والے ادارے ملک سے غیر ملکی سرپرستی اور حمایت یافتہ دہشتگردی کی لعنت کو جڑ سے اکھاڑ پھینکنے کیلیے انسداد دہشتگردی کی مسلسل مہم جاری رکھے ہوئے ہیں، بہادر جوانوں کی یہ قربانیاں ہر قیمت پر قوم کے تحفظ کیلیے فورسز کے غیر متزلزل عزم کو مزید تقویت دیتی ہیں۔
