دو روزہ اجلاس پشاور میں 19 اور 20 ستمبر کو ہوگا، ملکی صورت حال پر بھی غور کیا جائے گا

جمعیت علمائے اسلام نے ملک میں انتظامی یونٹس اور نئے صوبوں کے معاملے پر مرکزی مجلس عمومی کا اجلاس طلب کرلیا۔

ترجمان جے یو آئی اسلم غوری کے مطابق مولانا فضل الرحمان نے جےیوآئی کی مرکزی مجلس عمومی کا اجلاس 19 اور 20 ستمبر کو پشاور میں بلا لیا۔ اجلاس میں انتظامی یونٹس اور نئے صوبوں کے قیام کی باز گشت پر جماعتی رائے کا تعین کیا جائے گا۔

بلوچستان کو کوئٹہ میں بیٹھ کر کنٹرول نہیں کیا جاسکتا، انتظامی بنیاد پر صوبے بننے چاہئیں، سرفراز بگٹی

صوبے ہر صورت میں بننے یانہ بننے کا فیصلہ پارلیمنٹ کرےگی، رانا ثنااللہ کا محسن نقوی کے بیان پر ردعمل

سندھ میں نئے صوبوں اور انتظامی یونٹس کے قیام کا عوامی مطالبہ زور پکڑ گیا

انہوں نے بتایا کہ آئندہ بلدیاتی انتخابات کے لیے صوبائی جماعتوں کی تیاریوں کا جائزہ اجلاس کے ایجنڈے میں شامل ہے اس کے علاوہ اجلاس میں ملک میں امن و امان کی تشویشناک صورتحال پر غوروخوض ہو گا۔

ترجمان جے یو آئی کے مطابق اجلاس ملکی و بین الاقوامی صورتحال کا جائزہ بھی لیا جائے گا جبکہ آئندہ کی سیاسی حکمت عملی طے کی جائے گی۔