ٹریفک ای چالان اب بجلی کے بل میں لگ کر آئیں گے؟ تجویز پیش کر دی گئی
ایک ملک کے وزیراعظم پر موبائل فون چوری کا الزام، پارلیمنٹ نے استثنیٰ ختم کر دیا!
اہلیہ کے علاج کیلیے مسلسل جدوجہد، 81 سالہ شوہر کی ویڈیو نے سب کو رُلا دیا
پکوڑے کے اسٹال میں ’چٹنی‘ نہ ملنے پر لاتیں اور مُکے چل گئے، ویڈیو وائرل
دبئی: دبئی پولیس نے بڑی کارروائی کرتے ہوئے مختلف مرکزی شاہراہوں پر بھیک مانگنے والے 22 رکنی منظم گروہ کو گرفتار کر لیا۔
غیر ملکی خبر ایجنسی کے مطابق مذکورہ گروہ کے افراد ڈرائیوروں کو روک کر سفر کے اخراجات کے لیے رقم مانگتے تھے۔
پولیس کا کہنا ہے کہ یہ کارروائی پولیس ڈیجیٹل سروس“آئی سروس”پر شہری کی اطلاع کے بعد کی گئی۔
دوسری جانب دبئی کسٹمز نے تجارتی اخراجات کو کم کرنے کے لیے کسٹم ڈیوٹی کی معطلی میں 60 دن کی توسیع کردی۔
دبئی کسٹمز نے کاروباری اداروں پر مالی اور انتظامی بوجھ کو کم کرنے کے اقدامات کے ایک حصے کے طور پر، اہل کسٹم ڈیکلریشن پر کسٹم ڈیوٹی کی معطلی کی مدت میں مزید 60 دن کی توسیع کر دی ہے، جس سے معطلی کی کُل مدت 180 دن ہو گئی ہے۔
دبئی کسٹمز نے ایک اعلان میں کہا کہ توسیع کا اطلاق 27 فروری 2026 کے بعد اور 31 اکتوبر 2026 تک ختم ہونے والے کسٹم ڈیوٹی کی معطلی کے انتظامات پر ہے جس میں دوبارہ برآمد، عارضی داخلے اور تمام قسم کے ٹرانزٹ کے لیے درآمدات شامل ہیں۔
اضافی 60 دن کی مدت اس تاریخ سے نافذ العمل ہو گی جس پر اصل معطلی کی مدت ختم ہو رہی ہے۔
دبئی کسٹمز نے کہا کہ وہ اپنے منظور شدہ قوانین اور طریقہ کار کے مطابق مدت میں مزید توسیع کر سکتا ہے۔ یہ توسیع اس وقت تک نافذ رہے گی جب تک کہ کسٹمز کی جانب سے اسے ختم کرنے کا اعلان جاری نہیں کیا جاتا۔
نیا اقدام اس کے اجراء کی تاریخ سے نافذ العمل ہوتا ہے اور اس کا اطلاق عارضی طور پر اس کی دفعات کے تحت آنے والے کسٹم اعلامیے پر ہوگا۔
