کارکنوں کے گھروں پر ڈور ناکنگ کا سلسلہ بھی شروع کردیا گیا ہے
پی ٹی آئی کے 27 ستمبر کو اسلام آباد کی جانب ممکنہ مارچ کے پیش نظر لاہور میں 600 سے زائد متحرک کارکنوں کی فہرستیں مرتب کرلی گئی ہیں، جبکہ کارکنوں کے گھروں پر ڈور ناکنگ کا سلسلہ بھی شروع کردیا گیا ہے۔
پولیس ذرائع کے مطابق تحریک انصاف کے 452 متحرک کارکنوں کے گھروں پر پولیس پہنچ گئی ہے اور امن و امان خراب نہ کرنے کے حوالے سے ضمانت لینے کا سلسلہ شروع کردیا گیا ہے۔ متعدد کارکنان گرفتاریوں کے خوف سے روپوش ہوگئے ہیں۔
پولیس ذرائع کے مطابق صدر ڈویژن پولیس نے 122 کارکنوں کے گھروں پر ڈور ناکنگ کی، ماڈل ٹاؤن ڈویژن میں 111 اور کینٹ ڈویژن میں 142 کارکنوں کے گھروں تک پولیس پہنچی۔
پولیس ذرائع کے مطابق سول لائنز میں 77 کارکنوں کے دروازے پر دستک دی گئی۔ پولیس کا کہنا ہے کہ امن و امان خراب کرنے والوں کی گرفتاری عمل میں لائی جائے گی۔
