چلتی ٹرین کے ساتھ مسافر کے گھسٹنے کی لزرہ خیز ویڈیو
ڈاکٹروں کا انوکھا کارنامہ، مریض کی ٹوٹی ہوئی ٹانگ پر پلاسٹر کے بجائے گتا باندھ دیا
نوجوان لڑکوں کو لوٹنے والی لٹیری دلہن فرضی رشتے داروں سمیت گرفتار، طریقہ واردات بھی سامنے آگیا
انڈہ ابالنے کا حیرت انگیز طریقہ : من پسند زردی کیسے بنے گی؟
اسلام آباد (13 ستمبر 2026): وزارت انفارمیشن ٹیکنالوجی اور ٹیلی کمیونیکیشن نے وزیر اعظم شہباز شریف کی خصوصی پیٹرول ریلیف اسکیم میں رجسٹریشن کا طریقہ کار جاری کر دیا۔
وزارت آئی ٹی کی جانب سے جاری بیان کے مطابق مستحق شہریوں کو خصوصی اسکیم کے تحت پیٹرول پر فی لیٹر 100 روپے کی رعایت دی جائے گی، نادرا، ٹیلی کام آپریٹرز اور صوبائی محکموں کے تعاون سے خودکار ڈیجیٹل نظام تیار کر لیا گیا، موٹرسائیکل، رکشہ، چنگچی اور 800 سی سی تک کی گاڑی مالکان خصوصی ریلیف حاصل کر سکیں گے۔
اسکیم کے تحت موٹرسائیکل اور چنگچی مالکان کو ماہانہ 20 لیٹر تک رعایتی پیٹرول فراہم کیا جائے گا جبکہ 800 سی سی گاڑیوں کے مالکان کیلیے یہ مقدار ماہانہ 30 لیٹر مقرر کی گئی ہے۔
وزارت آئی ٹی نے بتایا کہ گاڑیوں کی تصدیق صوبائی ٹرانسپورٹ اور ایکسائز محکموں کے ذریعے خودکار نظام سے ہوگی، رجسٹریشن کیلیے اپنے نام پر جاری سم سے مقررہ فارمیٹ کے مطابق ایس ایم ایس بھیجنا ہوگا، رجسٹریشن پیغام میں شناختی کارڈ نمبر، گاڑی نمبر، صوبائی کوڈ اور رجسٹریشن کی تاریخ درج کرنا ہوگی، کامیاب رجسٹریشن پر شہریوں کو موبائل فون پر تصدیقی پیغام موصول ہوگا۔
بیان میں مزید بتایا گیا کہ پیٹرول پمپ جانے سے پہلے TOK لکھ کر 9771 پر بھیجنا ہوگا، موصول ٹوکن دکھا کر رعایتی پیٹرول ملے گا، اسلام آباد میں رعایتی پیٹرول کی فراہمی پیر اور منگل کی درمیانی شب جبکہ ملک بھر میں بدھ اور جمعرات کی درمیانی شب شروع ہوگی۔
پیٹرول ریلیف اسکیم کا اعلان
وزیر اعظم شہباز شریف نے آج عالمی منڈی میں تیل کی بڑھتی قیمتوں کا نوٹس لیتے ہوئے غریب اور متوسط طبقے کیلیے خصوصی ریلیف اسکیم کا اعلان کیا، جس کے تحت موٹرسائیکل، رکشہ اور چھوٹی گاڑیوں پر 100 روپے فی لیٹر ریلیف دیا جائے گا۔
شہباز شریف نے کہا کہ تیل کی قیمتوں سے پڑنے والے بوجھ کا حکومت کو پورا احساس ہے، مشکل کی اس گھڑی میں ہم عوام کو تنہا نہیں چھوڑیں گے۔
ان کا کہنا تھا کہ موٹرسائیکل اور رکشہ مالکان کو ماہانہ 20 لیٹر پیٹرول پر 100 روپے فی لیٹر ریلیف دیا جائے گا جبکہ 800 سی سی تک کی گاڑیوں کے مالکان کو ماہانہ 30 لیٹر پیٹرول پر ریلیف ملے گا۔
