پیٹرول 4 روپے 42 پیسے جبکہ ہائی اسپیڈ ڈیزل 6 روپے 10 پیسے مزید مہنگا کردیا گیا، قیمتوں کا اطلاق 15 ستمبر کیلیے ہوگا
آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ایک بار پھر بڑا اضافہ کردیا۔
ایکسپریس نیوز کے مطابق اوگرا نے 15 ستمبر کیلیے پیٹرولیم مصنوعات کی قیمتوں کا تعین کردیا جس کا اطلاق رات 12 بجے سے کل کیلیے ہوگا۔
نوٹی فکیشن کے مطابق پیٹرول کی قیمت میں 4 روپے 42 پیسے کا اضافہ کیا گیا ہے جس کے بعد قیمت 380 روپے 24 پیسے کی سطح پر پہنچ گئی۔
ای سی سی اجلاس: پیٹرول ریلیف اسکیم کے لیے 75 ارب روپے کی منظوری
پیٹرول اسکیم رجسٹریشن کیلیے اسلام آباد سے 6 لاکھ ایس ایم ایس موصول، 43 ہزار رجسٹرڈ
مہنگے پیٹرول نے فوڈ ڈلیوری پارسل سروسز کو متاثر کر دیا
اس کے علاوہ ہائی اسپیڈ ڈیزل کی فی لیٹر قیمت میں 6 روپے 10 پیسے کا اضافہ کیا گیا ہے جس کے بعد قیمت 409 روپے 42 پیسے کی سطح پر آگئی۔
واضح رہے کہ پیٹرولیم مصنوعات کی قیمتوں کا تعین عالمی مارکیٹ کے ریٹ کے تناسب سے کیا جاتا ہے اور انٹرنیشنل مارکیٹ میں فی بیرل کی قیمت گزشتہ روز مزید بڑھی ہے۔
