دنیا کا ویران جزیرہ جہاں 34 سال بعد پہلے بچے کی پیدائش نے سب کو حیران کر دیا

بھارتی وزیر نے سوالات کرنے پر نوجوان کو سرِ عام تھپڑ جڑ دیا، ویڈیو وائرل

اے آئی سے ایک ارب افراد کی اموات، بل گیٹس نے خبردار کردیا

دو شوہروں اور بیٹے کا پراسرار قتل : پھانسی پانے والی عورت کی لرزہ خیز کہانی

چلی (28 ستمبر 2026): چلی میں قدرت کے کرشمے کا حیران کن نظارہ انسانی آنکھوں نے اس وقت دیکھا جب برف کے بیچوں بیچ آتش فشاں پھٹ پڑا۔

غیر ملکی میڈیا کے مطابق چلی کے وسطی علاقے میں واقع نیوادوس دی چیلان کے پہاڑوں پر آتش فشاں پھٹ پڑا۔ تاہم اس کی خاص بات یہ تھی کہ آتش فشاں برف سے ڈھکے پہاڑوں کے بیچ پھٹا، جس کے بعد انسانی آنکھ کو حیرت انگیز نظارے دیکھنے کو ملے۔

آتش فشاں پھٹنے سے برف کی چادر اوڑھے پہاڑ اچانک دہک اٹھے اور برفانی چوٹی سے سفید راکھ اور دھوئیں کے بادل ایک کلومیٹر تک بلند ہو گئے، جس کے بعد علاقے میں یلو الرٹ جاری کرتے ہوئے قریبی ریزورٹ بھی بند کر دیا گیا۔

چلی کے قومی جیولوجیکل سروس کے مطابق آتش فشاں پھٹنے کے بعد خوش قسمتی سے اب تک کسی جانی نقصان یا زخمی ہونے کی کوئی اطلاع موصول نہیں ہے۔

تاہم متعلقہ حکام نے فعال آتش فشاں والے علاقے کے گرد حفاظتی گھیرا قائم کرتے ہوئے لوگوں کو وہاں جانے سے روک دیا ہے اور حکام صورتحال پر مسلسل نظر رکھے ہوئے ہیں۔

سوشل میڈیا اور خبر رساں اداروں پر وائرل ہونے والی ویڈیوز اور تصاویر میں سفید برف سے ڈھکے پہاڑوں کے درمیان سے سیاہ راکھ اور گرم گیسوں کے نکلنے کے حیرت انگیز مگر خوفناک مناظر دیکھے جا سکتے ہیں۔