متوفیہ کی شناخت 18 سالہ نادیہ زوجہ اسد علی کے نام سے کی گئی
شہر قائد میں سرجانی ٹاؤن کے علاقے سیکٹر سیون ڈی گھر سے خاتون کی گلے میں پھندا لگی لاش ملی، متوفیہ کی چند ماہ قبل ہی شادی ہوئی تھی۔
ایس ایچ او سرجانی ناصر محمود نے بتایا کہ متوفیہ کی شناخت 18 سالہ نادیہ زوجہ اسد علی کے نام سے کی گئی جبکہ ابتدائی تحقیقات میں گلے میں پھندا لگا کر خودکشی کا معلوم ہوا ہے۔
اہلخانہ کا کہنا ہے کہ نادیہ کی چند ماہ قبل شادی ہوئی تھی جبکہ متوفیہ کا شوہر بیروزگار ہے جس کی وجہ سے گھریلو و معاشی پریشانیوں کا سامنا بھی تھا اور اسی وجہ سے نادیہ نے گلے میں پھندا لگا کر خودکشی کرلی۔
تاہم پولیس نے ضابطے کی کارروایئ کے بعد لاش ورثا کے سپرد کر دی اور اس حوالے سے مزید تفتیش کا عمل جاری ہے۔
ماخذ: Express Urdu اصل خبر پڑھیں
