اسلام آباد ہائیکورٹ نے پاکستان تحریک انصاف کے اسلام آباد کی جانب متوقع مارچ سے قبل خیبر پختونخوا کے وزیراعلیٰ کو ایک آئینی دوراہے پر لا کھڑا کیا ہے اور واضح کیا ہے کہ کسی بھی ایسے عہدیدارِ سرکار، جس کے اقدامات کے نتیجے میں وفاقی دارالحکومت میں شہریوں کے بنیادی حقوق کی خلاف ورزی ہو، اسے آئین اور اپنے عہدے کے حلف کی خلاف ورزی کا مرتکب تصور کیا جائے گا۔
اسلام آباد کے متعلقہ حلقوں کا خیال ہے کہ پیر کو جاری کیا جانے والا یہ حکم خیبر پختونخوا کے وزیراعلیٰ کیلئے خاص اہمیت رکھتا ہے کیونکہ پی ٹی آئی وفاقی دارالحکومت کی جانب متحرک ہونے کی تیاری کر رہی ہے، جس کے نتیجے میں صوبائی حکومتوں اور وزرائے اعلیٰ پر براہِ راست ذمہ داری عائد ہوتی ہے کہ ریاستی مشینری اور وسائل کو مارچ میں سہولت فراہم کرنے کیلئے استعمال نہ ہونے دیا جائے۔
عدالت نے حکم دیا کہ کسی بھی مارچ، جلوس یا ریلی میں، جو اسلام آباد کیپیٹل ٹیریٹری کی جانب جائے، براہِ راست یا بالواسطہ طور پر کوئی سرکاری وسائل، عوامی فنڈز یا سرکاری اہلکار استعمال، فراہم یا شرکت کیلئے مقرر نہ کیے جائیں۔
چیف جسٹس سرفرازڈوگر کی سربراہی میں لارجر بینچ نے پی ٹی آئی کے 27 ستمبر کو اسلام آباد احتجاج سے متعلق درخواست فیصلہ سنایا
عدالت نے صوبائی حکومتوں اور وزرائے اعلیٰ کو یہ بھی یقینی بنانے کی ہدایت کی کہ ایسے کسی بھی سرگرمی کے شرکاء کی مدد یا سہولت کاری کیلئے کوئی سرکاری گاڑی، مشینری یا دیگر سامان استعمال نہ کیا جائے۔
حکم میں مزید واضح کیا گیا ہے کہ کسی بھی سرکاری ملازم کو اسلام آباد جانے والے کسی مارچ یا ریلی میں شرکت کے لیے مجبور، دباؤ میں، ترغیب دے کر یا کسی اور طریقے سے پابند نہیں کیا جا سکتا۔
تاہم، سرکاری عہدیداروں کے حوالے سے عدالت کی مخصوص تنبیہ ہی اس حکم کو خیبر پختونخوا کے وزیراعلیٰ کیلئے ممکنہ طور پر دور رس نتائج کا حامل بناتی ہے۔
اسلام آباد ہائیکورٹ نے قرار دیا ہے کہ جس شخص کی سرگرمی کے نتیجے میں اسلام آباد کیپیٹل ٹیریٹری میں شہریوں کے بنیادی حقوق کی خلاف ورزی ہو، اسے آئین کی خلاف ورزی کا مرتکب تصور کیا جائے گا اور وہ قانون کے تحت نتائج کا ذمہ دار ہوگا۔
اس سے بھی زیادہ اہم بات یہ ہے کہ سرکاری عہدیدار کے معاملے میں عدالت نے واضح طور پر قرار دیا ہے کہ ایسا طرزِ عمل آئین اور آئین کے تحت عہدے کے حلف کی خلاف ورزی کے مترادف ہوگا، جس کے باعث عہدیدار آئین اور قانون کے تحت نتائج کا ذمہ دار ہوگا۔
عدالتی حکم میں واضح طور پر یہ نہیں کہا گیا کہ خلاف ورزی کا مرتکب قرار پانے والا وزیراعلیٰ خودبخود اپنے عہدے سے محروم ہوجائے گا۔ تاہم، آئین اور عہدے کے حلف کی خلاف ورزی کے حوالے سے اس میں دی گئی تنبیہ کسی موجودہ وزیراعلیٰ کو ایسے آئینی نتائج سے دوچار کر سکتی ہے جو اس کے عہدے پر برقرار رہنے کو خطرے میں ڈال دیں۔
عدالت نے صوبوں کے چیف سیکرٹریز اور انسپکٹرز جنرل پولیس کو یہ بھی ہدایت کی ہے کہ ایسے طریقۂ کار وضع کیے جائیں جن کے ذریعے سرکاری اہلکار سیاسی رہنماؤں یا سرکاری عہدیداروں کی جانب سے اسلام آباد کی جانب مارچ میں سہولت فراہم کرنے کیلئے کسی بھی قسم کے دباؤ یا ترغیب کی اطلاع دے سکیں۔
عدالتی ہدایات کی خلاف ورزی کرنے والے اہلکاروں کیخلاف محکمانہ کارروائی کا حکم بھی دیا گیا ہے۔ چنانچہ خیبر پختونخوا کے وزیراعلیٰ کیلئے یہ حکم ایک خاصا مشکل آئینی توازن پیدا کرتا ہے: وہ بدستور پی ٹی آئی کے ایک سیاسی رہنما ہیں، لیکن مارچ میں سہولت فراہم کرنے کیلئے صوبائی حکومت، اس کے وسائل یا سرکاری اہلکاروں کے استعمال کی کسی بھی کوشش کے اب ایسے نتائج برآمد ہو سکتے ہیں جو معمول کی انتظامی کارروائیوں سے آگے بڑھ کر خود ان کے آئینی عہدے کو خطرے میں ڈال سکتے ہیں۔
اسلام آباد میں وزیراعظم کی خصوصی پیٹرول ریلیف اسکیم کا آغاز ہوگیا
خواتین کیخلاف جرائم کی تفتیش میں صنفی حساس طریقہ کار اپنایا جائے: سپریم کورٹ
ملک میں ایف آئی اے اور نیب پر مکمل اعتمادکرنیوالوں کی شرح منتخب اور انتظامی اداروں سے زیادہ: سروے
پنجاب پولیس نے مجھے اغوا کیا اور پھر سڑک پر پھینک دیا، سہیل آفریدی کا الزام
عدالت نے سہیل آفریدی سمیت پی ٹی آئی کے 24 اراکین قومی و صوبائی اسمبلی کے پاسپورٹ بلاک کرنے کا حکم دے دیا
بجلی اور گیس کی قیمتوں میں اضافہ پاکستانی عوام کے مسائل میں سرفہرست ہے، سروے
ای سی سی نے وزیراعظم کے فیول ریلیف پیکج کی منظوری دے دی
کونسل کی مدت ختم ہونے پر میئرہی ایڈمنسٹریٹرکے اختیارات سنبھالےگا،سندھ لوکل گورنمنٹ ترمیمی بل 2026 منظور
میر رضا کیس میں پولیس سرجن ڈاکٹر سمیہ کو دھمکیاں ملنے کا انکشاف
میری حفاظت اللہ کرتا ہے، تم لوگوں کے ہاتھ میں ہو تو کل یا آج ہی مرجاؤں: سہیل آفریدی کا پنجاب پولیس سے مکالمہ
کراچی میں ایک اور ویکسی نیشن سینٹر کے قیام پر کام کا آغاز
حکومت نے پیٹرول پر 100 روپے فی لیٹر سبسڈی حاصل کرنے کا طریقہ بتادیا
تازہ ترین
• 53 سیکنڈ پہلے اسلام آباد کال سینٹرز کے ذریعے 172 ارب کی ڈیجیٹل ڈکیتی، منی لانڈرنگ کا انکشاف
اسلام آباد کال سینٹرز کے ذریعے 172 ارب کی ڈیجیٹل ڈکیتی، منی لانڈرنگ کا انکشاف
• 6 منٹ پہلے عدالتی حکم کی کوئی خلاف ورزی، آفریدی کی وزارت اعلیٰ کو خطرہ ہوسکتا ہے
• 2 گھنٹے پہلے امریکی صدر ٹرمپ کی مقبولیت میں معمولی اضافہ
امریکی صدر ٹرمپ کی مقبولیت میں معمولی اضافہ
• 2 گھنٹے پہلے مکہ مشترکہ دفاعی معاہدہ اسلامی دنیا کیلئے پیغام ہے، اس کے مثبت اثرات سامنے آئیں گے: ترک صدر
مکہ مشترکہ دفاعی معاہدہ اسلامی دنیا کیلئے پیغام ہے، اس کے مثبت اثرات سامنے آئیں گے: ترک صدر
• 2 گھنٹے پہلے اسلام آباد میں وزیراعظم کی خصوصی پیٹرول ریلیف اسکیم کا آغاز ہوگیا
• 4 گھنٹے پہلے سعودی عرب میں حوثیوں کے میزائل اور ڈرون حملوں میں 13 شہری زخمی
سعودی عرب میں حوثیوں کے میزائل اور ڈرون حملوں میں 13 شہری زخمی
• 5 گھنٹے پہلے کراچی کے علاقے سرجانی ٹاؤن میں گھر میں ماں اور 3 بچے قتل
کراچی کے علاقے سرجانی ٹاؤن میں گھر میں ماں اور 3 بچے قتل
• 6 گھنٹے پہلے امریکی پابندیوں کا مقصد ایران کو اندرونی طور پر تباہ کرنا ہے : ایرانی صدر
