اسلام آباد میں محبت کی یادگار، صوبیہ محل کی دلچسپ داستان

سو سال تک نظروں سے اوجھل مینڈک کی نئی نسل

چور کا خوف، شہری اپنی گاڑی چھت پر لے گیا، ویڈیو وائرل

دوران پرواز مسافر کو ہنگامہ کرنا مہنگا پڑ گیا

گزشتہ روز آئی فون 18 پرو اور آئی فون ڈیو (iPhone Duo) کے اعلانات کے پیچھے، ایپل نے اپنے آن لائن اسٹور پر پہلے سے موجود آئی فون 16، آئی فون 17، آئی فون ایئر اور آئی فون 17e کی قیمتیں بڑھا دی ہیں۔

اب ان تین ماڈلز کی نئی ابتدائی قیمتیں یہ ہیں:

آئی فون 16: 799 ڈالر (100 ڈالر اضافہ)

آئی فون 17 ای: 699 ڈالر (100 ڈالر اضافہ)

آئی فون 17: 899 ڈالر (100 ڈالر اضافہ)

آئی فون ایئر: 1,099 ڈالر (100 ڈالر اضافہ)

یعنی ایپل کی آئی فون لائن اپ میں موجود ان چاروں ماڈلز کی قیمت میں 100، 100 ڈالر کا اضافہ کیا گیا ہے۔ آئی فون 18 پرو اور آئی فون 18 پرو میکس کی آمد کے ساتھ ایپل نے آئی فون 17 پرو اور آئی فون 17 پرو میکس کی فروخت بند کر دی ہے۔

الگورتھم سے متعلق آسٹریلیا میں سوشل میڈیا کے لیے نئی تجویز کی تفصیلات

گزشتہ روز کے ایونٹ سے پہلے یہ قیاس آرائیاں بڑھ رہی تھیں کہ ستمبر میں نئے آئی فون 18 پرو ماڈلز کے لانچ ہونے کے بعد ایپل آئی فون 17 لائن اپ کی قیمتیں بڑھا سکتا ہے۔ خاص طور پر ایپل کے چیف ایگزیکٹو ٹم کک کے حالیہ بیان کے بعد یہ قیاس آرائیاں زیادہ ہو گئی تھیں، جس میں انھوں نے قیمتوں میں ’’ناگزیر‘‘ اضافے کی بات کی تھی۔

جون کے اواخر میں کک نے وال اسٹریٹ جرنل کو بتایا تھا کہ ایپل اب میموری اور اسٹوریج چپس کی بڑھتی ہوئی لاگت خود برداشت کرنے کی پوزیشن میں نہیں رہا۔ ان دونوں اقسام کی چپس کی طلب مصنوعی ذہانت (اے آئی) اور نیوکلاؤڈ کمپنیوں کی جانب سے بہت زیادہ بڑھ گئی ہے، کیوں کہ یہ کمپنیاں مسلسل مزید ڈیٹا سینٹرز قائم کر رہی ہیں۔