قیدیوں کی ہائیکورٹ کے فیصلے کے کیخلاف تینوں اپیلوں کو الگ الگ نمبر الاٹ کر دیا گیا
قیدیوں نے بانی پی ٹی آئی جیسی طبی سہولیات لینے کے لیے وفاقی آئینی عدالت میں درخواست دائر کر دی، ذرائع کے مطابق آئینی عدالت نے درخواست کو نمبر بھی الاٹ کر دیا ہے۔
اڈیالہ جیل کے تین قیدیوں نے بانی پی ٹی آئی کو فراہم کی جانے والی طبی سہولیات کی فراہمی کے لیے اسلام آباد ہائیکورٹ کا فیصلہ وفاقی آئینی عدالت میں چیلنج کر دیا۔
درخواست میں استدعا کی گئی ہے کہ اسلام آباد ہائیکورٹ کا فیصلہ کالعدم قرار دیا جائے اور درخواست گزاروں کو بھی وہی طبی سہولیات فراہم کی جائیں جو بانی پی ٹی آئی کو دستیاب ہیں۔
درخواست میں مؤقف اختیار کیا گیا ہے کہ آئین کا آرٹیکل 25 تمام شہریوں کے ساتھ یکساں سلوک کا پابند بناتا ہے، جبکہ سپریم کورٹ کا حکم اب بھی نافذ العمل ہے۔
عمران خان کی طرح تین قیدیوں کی نجی اسپتال سے علاج کی درخواستیں مسترد
پمز اسپتال سے قیدیوں کا علاج؛ اسلام آباد ہائیکورٹ کے جسٹس آصف کے دوران سماعت اہم ریمارکس
عام قیدیوں کی نجی اسپتال منتقلی کی درخواستوں پر فیصلہ محفوظ، حکومت کی مخالفت
درخواست کے مطابق سپریم کورٹ نے 18 اگست کو بانی پی ٹی آئی کو شفا انٹرنیشنل منتقل کرنے کا حکم دیا تھا، لہٰذا عدالت درخواست گزاروں کا علاج بھی شفا انٹرنیشنل سے کرانے کا حکم دے۔
درخواست میں مزید استدعا کی گئی ہے کہ سپریم کورٹ کے حکم کے تناظر میں بانی پی ٹی آئی کی طرز پر واٹس ایپ کے ذریعے بیرون ملک بات کرانے کا حکم بھی دیا جائے۔
وفاقی آئینی عدالت نے تین قیدیوں کی ہائیکورٹ کے فیصلے کے کیخلاف تینوں اپیلوں کو الگ الگ نمبر الاٹ کر دیا۔ پہلی اپیل کو 2050/2026 نمبر، دوسری اپیل کو 2051/2026 نمبر اور تیسری اپیل 2052/2026 نمبر الاٹ کیا گیا۔
