شوہر نے میکے سے واپس نہ آنے پر بیوی کی ناک کاٹ دی
’’125 سال سے مسلسل روشن دنیا کا واحد بلب‘‘
اے آئی کو چکما دینے والی شرٹ : حیرت انگیز ایجاد
جب ملازمہ کے سیب کھاتے ہی صدیوں پرانے نایاب ہیرے کی چوری پکڑی گئی
لندن: پیغام رسانی کی جدید ایپ واٹس ایپ نے طویل عرصے پرانے چیٹس میں مطلوبہ پیغام تلاش کرنے کی مشکل کو کم کرنے کی ٹھان لی ہے، نئے فیچر کے تحت صارفین کو کسی پرانے پیغام تک پہنچنے کے لیے چیٹ کی معلومات والی اسکرین میں جانے کی ضرورت نہیں رہے گی۔
غیر ملکی میڈیا رپورٹس کے مطابق واٹس ایپ کے آئی او ایس بیٹا ورژن میں چیٹ کے اندر ہی سرچ شارٹ کٹ متعارف کرانے پر کام ہورہا ہے، اس تبدیلی کے بعد کسی پرانے پیغام کی تلاش براہ راست چیٹ اسکرین ہوسکے گی۔
فی الحال کسی چیٹ میں موجود پرانے پیغام کو تلاش کرنے کے لیے صارف کو پہلے چیٹ چھوڑ کر چیٹ انفو اسکرین پر جانا پڑتا ہے، جہاں سرچ کا آپشن منتخب کرکے مطلوبہ مواد تلاش کیا جاتا ہے۔
اگرچہ یہ طریقہ کام کرتا ہے، لیکن طویل عرصے پرانی گفتگو میں کسی مخصوص پیغام تک پہنچنے کے لیے یہ عمل بعض صارفین کے لیے مشکل ہوسکتا ہے۔
ایپ کی جانب سے بنائے جانے والے نئے فیچر میں چیٹ اسکرین پر سرچ کا ایک شارٹ کٹ شامل کیا جائے گا۔
تاہم یہ بٹن ہر وقت نظر نہیں آئے گا بلکہ اس وقت ظاہر ہوگا جب صارف چیٹ میں اوپر کی جانب اسکرول کرتے ہوئے پرانے پیغامات تک پہنچے گا۔
بظاہر معمولی نظر آنے والی یہ تبدیلی طویل چیٹس استعمال کرنے والے صارفین کے لیے خاصی سہولت پیدا کرسکتی ہے، کیونکہ انہیں بار بار موجودہ طریقہ کار کے تحت چیٹ انفو میں جانے کی ضرورت نہیں رہے گی۔
یہ سہولت صرف چیٹس تک محدود نہیں رہے گی بلکہ واٹس ایپ چینلز میں بھی اس کا دائرہ بڑھایا جا رہا ہے۔ اس کے ذریعے صارفین کسی چینل میں موجود پرانی پوسٹس اور اپ ڈیٹس کو بھی تلاش کرسکیں گے۔
13 سال سے کم عمر بچوں کیلئے سوشل میڈیا پر پابندی کی تجویز
رپورٹس کے مطابق یہ فیچر فی الحال بیٹا ورژن میں زیرِ آزمائش نظر آیا ہے، اس لیے عام صارفین کے لیے اس کی باضابطہ دستیابی کی حتمی تاریخ کا ابھی کچھ نہیں کہا جاسکتا۔
