پی ٹی آئی کے متحرک کارکنوں کی گرفتاری کے لیے مزید لسٹیں جاری کردی گئی ہیں، ذرائع پولیس

راولپنڈی میں پی ٹی آئی کے کارکنوں کے خلاف کریک ڈاؤن جاری ہے، پولیس نے اب تک 55 کارکنوں کو حراست میں لے لیا۔

ایکسپریس نیوز کے مطابق تحریک انصاف کی جانب سے 27 ستمبر کو لانگ مارچ کا اعلان کیا گیا ہے جس کے بعد راولپنڈی پولیس کی جانب سے تحریک انصاف کے کارکنوں کے خلاف کریک ڈاؤن جاری ہے، ضلع بھر میں ٹارگٹیڈ کارروائیوں کے دوران 55 کارکنوں کو پولیس نے اپنی تحویل میں لے لیا۔

پولیس ذرائع کے مطابق کریک ڈاون میں آج مزید تیزی لائی جائے گی، پی ٹی آئی کے متحرک کارکنوں کی گرفتاری کے لیے مزید لسٹیں جاری کردی گئی ہیں۔