پاکستان نے 4 میچز کی سیریز میں 0-1 کی برتری حاصل کرلی، دوسرا میچ 12 ستمبر کو گلڈفورڈ میں کھیلا جائے گا

پاکستان انڈر 19 نے عثمان خان اور کپتان فرحان یوسف کی شاندار سنچریوں اور محمد سیام کی 4 وکٹوں کی بدولت پہلے ون ڈے میں انگلینڈ انڈر 19 کو 177 رنز سے شکست دے دی۔

پاکستان نے 4 میچز کی سیریز میں 0-1 کی برتری حاصل کرلی، دوسرا میچ 12 ستمبر کو گلڈفورڈ میں کھیلا جائے گا۔

پاکستان نے پہلے بیٹنگ کرتے ہوئے 50 اوورز میں 9 وکٹوں پر 332 رنز بنائے۔ عثمان خان نے 151 اور فرحان یوسف نے 115 رنز بنائے، دونوں نے تیسری وکٹ کے لیے 268 رنز کی ریکارڈ شراکت قائم کی۔

جواب میں انگلینڈ کی ٹیم 35.1 اوورز میں 155 رنز پر آل آؤٹ ہوگئی، محمد سیام نے 39 رنز دے کر 4 وکٹیں حاصل کیں۔