بلوچستان کے عوام نےوطن سے محبت اور دفاعِ پاکستان میں سیکیورٹی فورسز کے شانہ بشانہ کھڑے ہونے کے عزم کابھی اعادہ کیا ہے

یوم دفاع و شہداء کی مناسبت سے بلوچستان کے علاقے پنجگور میں عوامی ریلی کا شاندار انعقاد کیا گیا۔

اس ریلی میں سیاسی و سماجی رہنماؤں ،تاجروں اور طلبہ سمیت شہریوں کی بڑی تعداد نے شرکت کی۔ پنجگور ریلی میں شرکاء نے قومی پرچم اٹھا کر یکجہتی، اتحاد اور بھائی چارے کا واضح پیغام دیا۔

پنجگور ریلی میں شریک ہزاروں شہریوں نے شہداِ پاکستان کو زبردست خراج عقیدت پیش کیا۔ ریلیوں میں شرکاء نے بینرز ہاتھوں میں تھامے پاکستان اور پاک فوج کے حق میں فلک شگاف نعرے بلند کیے۔

پنجگور میں ریلی کے شرکاء نے شہداء کی قربانیوں کو سراہتے ہوئے کہا کہ شہداء کی وجہ سے ہی آج ہمارے ملک کا وجود قائم ہے جس میں ہم آزادانہ زندگی بسر کر رہے ہیں۔ شرکا نے کہا کہ پنجگور کے عوام نے ہزاروں کی تعداد میں نکل کر قومی یکجہتی، ملی واحدت اور پاکستان سے والہانہ محبت کا اظہار کیا ہے۔

بلوچستان کے عوام نےوطن سے محبت اور دفاعِ پاکستان میں سیکیورٹی فورسز کے شانہ بشانہ کھڑے ہونے کے عزم کابھی اعادہ کیا ہے۔