کاٹن_جنرز_فورم – ڈیلی پاکستان آن لائن https://dailypakistanonline.com سچ کی آواز، سب سے پہلے — تازہ ترین اردو خبریں Sun, 01 Nov 2026 16:57:51 +0000 ur hourly 3 https://wordpress.org/?v=7.1.4 https://dailypakistanonline.com/wp-content/uploads/2026/10/icon-512-150x150.png کاٹن_جنرز_فورم – ڈیلی پاکستان آن لائن https://dailypakistanonline.com 32 32 حکومتی پالیسیوں سے کاٹن اسٹیک ہولڈرز میں مایوسی بڑھ گئی، کاٹن جنرز فورم https://dailypakistanonline.com/business/%d8%ad%da%a9%d9%88%d9%85%d8%aa%db%8c-%d9%be%d8%a7%d9%84%db%8c%d8%b3%db%8c%d9%88%da%ba-%d8%b3%db%92-%da%a9%d8%a7%d9%b9%d9%86-%d8%a7%d8%b3%d9%b9%db%8c%da%a9/ https://dailypakistanonline.com/business/%d8%ad%da%a9%d9%88%d9%85%d8%aa%db%8c-%d9%be%d8%a7%d9%84%db%8c%d8%b3%db%8c%d9%88%da%ba-%d8%b3%db%92-%da%a9%d8%a7%d9%b9%d9%86-%d8%a7%d8%b3%d9%b9%db%8c%da%a9/#respond Sun, 01 Nov 2026 16:57:51 +0000 https://dailypakistanonline.com/business/%d8%ad%da%a9%d9%88%d9%85%d8%aa%db%8c-%d9%be%d8%a7%d9%84%db%8c%d8%b3%db%8c%d9%88%da%ba-%d8%b3%db%92-%da%a9%d8%a7%d9%b9%d9%86-%d8%a7%d8%b3%d9%b9%db%8c%da%a9/ کاٹن جنرز فورم کے چیئرمین احسان الحق نے حکومت کی جانب سے کاٹن کے شعبے کے لیے کیے گئے اقدامات پر شدید تحفظات کا اظہار کیا ہے۔ انہوں نے کہا کہ بجلی کے نرخوں میں اضافہ، مارک اپ کی بلند شرح اور برآمد کنندگان کے مقابلے میں درآمد کنندگان کو دی جانے والی مراعات نے اسٹیک ہولڈرز کی مشکلات میں اضافہ کر دیا ہے۔

احسان الحق کے مطابق، بھارت نے اپنی ٹیکسٹائل برآمدات کو فروغ دینے کے لیے روئی کی ڈیوٹی فری درآمدات کی مدت میں 31 دسمبر تک توسیع کر دی ہے۔ اس کے برعکس، پاکستان میں کاٹن زونز میں گنے کی کاشت اور نئی شوگر ملز کے قیام پر پابندی کے قوانین پر عمل درآمد نہ ہونے سے کپاس کی فصل کو نقصان پہنچ رہا ہے۔

انہوں نے مزید بتایا کہ چین کی جانب سے کم قیمت پر فیبرک اور دھاگے کی درآمدات کے باعث مقامی ٹیکسٹائل انڈسٹری معاشی بحران سے دوچار ہے۔ اس صورتحال کا نوٹس لیتے ہوئے نیشنل ٹیرف کمیشن نے تحقیقات کا آغاز کر دیا ہے اور متاثرہ ملز سے شکایات طلب کر لی ہیں۔

چیئرمین کاٹن جنرز فورم کے مطابق، پاک افغان سرحد پر کشیدگی کے باعث گزشتہ ایک سال سے افغانستان سے روئی کی درآمدات بھی معطل ہیں۔ تاہم اطلاعات ہیں کہ افغانستان اب اپنی روئی ترکی کو برآمد کر رہا ہے جس کی پہلی کھیپ روانہ کی جا چکی ہے۔

مقامی منڈی میں روئی کی قیمتوں کے حوالے سے انہوں نے کہا کہ پیداواری لاگت میں اضافے اور عالمی منڈی میں قیمتوں کے رجحان کے باعث گزشتہ ہفتے نرخوں میں 100 سے 200 روپے فی من کی کمی دیکھی گئی ہے۔ کپاس کی پیداوار کے حتمی اعداد و شمار 3 نومبر کو جاری کیے جائیں گے جس کے بعد مارکیٹ کا واضح رحجان سامنے آئے گا۔

]]> https://dailypakistanonline.com/business/%d8%ad%da%a9%d9%88%d9%85%d8%aa%db%8c-%d9%be%d8%a7%d9%84%db%8c%d8%b3%db%8c%d9%88%da%ba-%d8%b3%db%92-%da%a9%d8%a7%d9%b9%d9%86-%d8%a7%d8%b3%d9%b9%db%8c%da%a9/feed/ 0