متحدہ عرب امارات کی وزارت داخلہ کی جانب سے فراہم کردہ ابتدائی معلومات کے مطابق اس حادثے میں اٹھارہوٹی گاڑیاں اور پانچ ٹرک شامل تھے جو ایک دوسرے سے جا ٹکرائے۔ حادثے کی اطلاع ملتے ہی متعلقہ اداروں کی جانب سے فوری کارروائی کا آغاز کر دیا گیا۔

متحدہ عرب امارات کی وزارت داخلہ کا کہنا ہے کہ ہنگامی امدادی ٹیمیں حادثے کے بعد کی صورتحال سے نمٹنے کے لیے فیلڈ آپریشنز جاری رکھے ہوئے ہیں۔ وزارت کی طرف سے جاری کردہ بیان کے مطابق اس دوران زخمیوں کو ضروری طبی امداد فراہم کی جا رہی ہے۔

متعلقہ حکام جائے وقوعہ پر ضروری کارروائی مکمل کرنے اور حادثے کی وجوہات و محرکات کا تعین کرنے کے لیے کام کر رہے ہیں۔ وزارت داخلہ نے مزید بتایا ہے کہ صورتحال کی کڑی نگرانی کی جا رہی ہے اور معلومات کی مکمل تصدیق ہونے کے بعد مزید سرکاری تفصیلات جاری کی جائیں گی۔