اس دورے کے دوران چیف جسٹس عالیہ نیلم کے ہمراہ جسٹس سید شہباز رضوی بھی موجود تھے۔ گوجرانوالہ پہنچنے پر ماتحت عدلیہ کے ججز اور بار کے نمائندوں نے چیف جسٹس کا پرتپاک استقبال کیا اور انہیں پھول پیش کیے۔

منصوبوں کے تحت ضلع گوجرانوالہ اور اس کی تحصیلوں میں ریکارڈ مدت میں بنیادی سہولیات کی فراہمی یقینی بنائی گئی ہے۔ ان اقدامات میں خواتین وکلا کے لیے علیحدہ بار رومز اور خواتین عدالتی عملے کے لیے کامن رومز کا قیام شامل ہے۔

عدالتوں میں آنے والی خواتین سائلین کی مشکلات کو کم کرنے کے لیے خصوصی ویٹنگ ایریاز بنائے گئے ہیں۔ اس کے علاوہ فیملی میٹنگ اور وزیٹیشن رومز بھی قائم کیے گئے ہیں تاکہ سائلین کو ایک پرسکون اور مناسب ماحول میسر آ سکے۔

عدالتی مراکز میں قانونی تحقیق کو جدید خطوط پر استوار کرنے کے لیے ای لائبریریز کی سہولت بھی فراہم کی گئی ہے۔ یہ اقدام وکلا کو جدید وسائل تک رسائی دے گا جس سے عدالتی کارروائیوں اور قانونی معاونت میں مزید بہتری آئے گی۔

توانائی کے بحران اور لوڈشیڈنگ کے اثرات کو کم کرنے کے لیے عدالتوں اور متعلقہ دفاتر کو سولرائز کیا گیا ہے۔ اس مقصد کے لیے ہائبرڈ آف گرڈ سولر سسٹم نصب کیے گئے ہیں تاکہ بجلی کی بلا تعطل فراہمی ہر وقت ممکن ہو۔

وزیرآباد کے عدالتی مرکز میں بھی خواتین عملے کے لیے کامن روم، خواتین سائلین کے لیے ویٹنگ ایریا اور فیملی میٹنگ و وزیٹیشن روم کا قیام عمل میں لایا گیا ہے۔ یہاں بھی عدالتوں کے لیے ای لائبریری اور سولر سسٹم کے منصوبے مکمل کیے گئے ہیں۔

کامونکی کے عدالتی مرکز میں بھی خواتین وکلا کے لیے لیڈیز بار روم، خواتین عملے کے لیے کامن روم اور خواتین سائلین کے لیے ویٹنگ ایریا سمیت مختلف سہولیات فراہم کی گئی ہیں۔ یہاں بھی فیملی میٹنگ و وزیٹیشن روم اور ای لائبریری قائم کی گئی ہے، جبکہ عدالتوں اور متعلقہ دفاتر کے لیے ہائبرڈ آف گرڈ سولرائزیشن کے منصوبے کا بھی افتتاح کیا گیا۔

نوشہرہ ورکاں کے عدالتی مرکز میں بھی خواتین وکلا کے لیے لیڈیز بار روم، خواتین عدالتی عملے کے لیے کامن روم، فیملی میٹنگ و وزیٹیشن روم اور خواتین سائلین کے لیے ویٹنگ ایریا کے منصوبے مکمل کیے گئے ہیں۔ اس کے علاوہ عدالتوں کے لیے ای لائبریری اور عدالتی عمارتوں و متعلقہ دفاتر کی سولرائزیشن بھی منصوبوں میں شامل ہے۔

یہ تمام ترقیاتی منصوبے اے جے ڈی ایف کے تحت مکمل کیے گئے ہیں۔ ان منصوبوں میں بالخصوص خواتین وکلا، عدالتی عملے اور خواتین سائلین کی ضروریات کو مدنظر رکھتے ہوئے سہولیات کی فراہمی پر خصوصی توجہ دی گئی ہے۔

چیف جسٹس عالیہ نیلم نے ان منصوبوں کی تکمیل کو عدالتی نظام کی بہتری کے لیے ایک اہم قدم قرار دیا ہے۔ ان سہولیات سے عدالتی مراکز میں بنیادی ڈھانچے کو بہتر بنانے اور قانونی امور کی انجام دہی میں مدد ملے گی۔

گوجرانوالہ کی وکلا تنظیموں نے عدالتی مراکز میں سہولیات کی فراہمی اور ترقیاتی منصوبوں کی تکمیل پر چیف جسٹس لاہور ہائیکورٹ مس عالیہ نیلم کے اقدامات کو سراہتے ہوئے انہیں خراج تحسین پیش کیا ہے۔

تاریخ میں پہلی مرتبہ چیف جسٹس عالیہ نیلم کے حکم پر گوجرانوالہ ڈسٹرکٹ ہیڈکوارٹر میں لیڈیز بار روم اور خواتین عدالتی عملے کے لیے کامن روم قائم کیا گیا ہے۔