Daily Pakistan Online News, Sports, Blogs, Media
Related Articles
کاربن ڈائی آکسائیڈ کا اخراج کورونا سے قبل کی سطح پر آنے کا خدشہ
کورونا وبا کے خاتمے پر صنعتیں اور نظامِ مواصلات بحال ہونے سے کاربن ڈائی آکسائیڈ کا اخراج بڑھے گا،رپورٹ
واشنگٹن(ڈیلی پاکستان آن لائن)عالمی سطح پر کاربن ڈائی آکسائیڈ کا اخراج اس سال کورونا وائرس کی وبا سے پہلے کی سطح پر آنے کا خدشہ ظاہر کیا جا رہا ہے۔میڈیارپورٹس کے مطابق گلوبل کاربن پراجیکٹ کنسورشیم کی جانب سے اس بات کا انکشاف جاری کردہ جائزہ رپورٹ میں کیا گیا ۔رپورٹ کے مطابق کورونا وائرس کی وبا کے خاتمے پر صنعتیں اور نظامِ مواصلات بحال ہونے سے کاربن ڈائی آکسائیڈ کا اخراج بڑھے گا۔رپورٹ میں کہا گیا کہ عالمی سطح پر کاربن ڈائی آکسائیڈ کے اخراج میں چین کا حصہ 31 فیصد، امریکا کا حصہ 14 فیصد، یورپی یونین اور بھارت کا حصہ 7، 7 فیصد ہو گا۔رپورٹ میں مزید بتایا گیا کہ عالمی سطح پر کاربن ڈائی آکسائیڈ کا اخراج 2021 اور 2024 میں اپنی حدوں کو چھو لے گا۔گلوبل کاربن پراجیکٹ کنسورشیم کی جائزہ رپورٹ میں یہ بھی کہا گیا کہ پر مستقبل میں عالمی سطح پر کاربن ڈائی آکسائیڈ کا اخراج 2019 میں مقرر کیئے گئے 40 ارب ٹن کے ہدف سے بڑھنے کا خدشہ ہے۔
