ڈیڈ لائن تک 26 ہزار وی پی این رجسٹر ہوئے:پی ٹی اے

لاہور( ڈیلی پاکستان آن لائن )ورچوئل پرائیویٹ نیٹ ورک کی رجسٹریشن کیلئے دی گئی مہلت تک 26ہزار وی پی این رجسٹر ہوئے۔وزارت داخلہ کی جانب سے پی ٹی اے کووی پی این کی رجسٹریشن کیلئے تیس نومبر کی ڈیڈ لائن دی گئی تھی اور اس کے بعد غیر رجسٹرڈ وی پی اینز کو بلاک کرنے کا عندیہ دیا گیا تھا۔پی ٹی اے نے وزارت داخلہ سے وی پی این کی رجسٹریشن کی تاریخ میں توسیع کی درخواست کی ہے جس کے بعد وی پی اینز کی رجسٹریشن کی تاریخ میں توسیع کا امکان ہے پی ٹی اے کی وی پی اینز کی رجسٹریشن کیلئے اسٹیک ہولڈرز کے ساتھ مشاورت جاری ہے۔