پاکستان چیمپئنز ٹرافی ہائبرڈ ماڈل پر مشروط رضا مند :بھارتی میڈیا کا بڑا دعوی

لاہور( ڈیلی پاکستان آن لائن )بھارتی میڈیا نے دعویٰ کیا ہے کہ پاکستان آئی سی سی چیمپئنز ٹرافی ہائبرڈ ماڈل پر کرانے کے لیے مشروط رضا مند ہو گیا ہے۔بھارتی میڈیا کے دعوے کے مطابق آئندہ بھارت میں آئی سی سی کے ایونٹس بھی ہائبرڈ ماڈل پر ہوں گے۔ہندوستان ٹائمز کے مطابق پی سی بی نے آئی سی سی کے سامنے شرط رکھی کہ بھارت میں منعقد ہونے والے 2031 تک تمام ایونٹس میں شرکت کیلئے پاکستان بھارت نہیں جائے گا، بھارت میں ہونے والے ٹورنامنٹس کے لئے بھی ہائبرڈ ماڈل اختیار کیا جائے گا۔پی سی بی نے چیمپئنز ٹرافی کے دوران بھارت کے ساتھ دبئی میں میچ کھیلنے کی شرط رکھ دی، چیمپئنز ٹرافی کے میچز دبئی میں کرانے کے عوض پی سی بی نے آئی سی سی کی سالانہ آمدنی میں سے بڑا حصہ بھی مانگا ہے۔بھارتی میڈیا کے مطابق ٹی ٹونٹی ورلڈ کپ اور ون ڈے ورلڈ کپ کے شریک میزبان ممالک کی وجہ سے پاکستان کے میچز بھارت سے باہر ہو سکتے ہیں۔