Home / پاکستان / پاکستان میں بین الصوبائی ٹرانسپورٹ کی ہفتہ اتوار پابندی میں 17 مئی تک توسیع

پاکستان میں بین الصوبائی ٹرانسپورٹ کی ہفتہ اتوار پابندی میں 17 مئی تک توسیع

نیشنل کمانڈ اینڈ آپریشن سینٹر نے بین الصوبائی ٹرانسپورٹ کی ہفتہ اتوار پابندی میں 17 مئی تک توسیع کر دی

ایس او پیز کے نفاذ میں صوبائی حکومتوں کو جہاں بھی فوج، ایف سی اور رینجرز کی مدد درکار ہو گی مہیا کی جائےگی، این سی اوسی

اسلام آباد (ڈیلی پاکستان آن لائن) نیشنل کمانڈ اینڈ آپریشن سینٹر نے بین الصوبائی ٹرانسپورٹ کی ہفتہ اتوار پابندی میں 17 مئی تک توسیع کر دی۔

این سی او سی کے مطابق ایس او پیز کے نفاذ میں صوبائی حکومتوں کو جہاں بھی فوج، ایف سی اور رینجرز کی مدد درکار ہو گی مہیا کی جائےگی۔وفاقی وزیر اسد عمر کی زیرصدارت این سی او سی کا اجلاس ہوا جس میں کورونا وائرس کی مجموعی صورت حال پر تبادلہ خیال کیا گیا۔ اجلاس میں کورونا سے متاثرہ زیادہ شرح والے شہروں میں تجویز کردہ لاک ڈاؤن پر غور کیا گیا۔

این سی او سی کے مطابق لاک ڈاؤن کا فیصلہ تمام اسٹیک ہولڈرز کی مشاورت کے بعد کیا جائے گا،مجوزہ پابندیوں میں بازاروں اور مالز کی بندش ، انٹرسٹی پبلک ٹرانسپورٹ اور تعلیمی اداروں کی مکمل بندش شامل ہوگی۔

این سی او سی نے کہا کہ صوبائی حکومتوں کو جہاں فوج، ایف سی اور رینجرز کی مدد درکار ہوگی مہیا کی جائے گی۔ بین الصوبائی ٹرانسپورٹ پر ہفتہ اتوار پابندی میں 17 مئی تک توسیع کرنے کا فیصلہ کیا گیا ہے۔

اجلاس میں ہیلتھ کئیر سہولیات اور آکسیجن کی دستیابی کے حوالے سے بریفنگ میں بتایا گیا کہ کورونا کی بگڑتی صورتحال کے پیش نظر مزید 6901 بیڈز فراہم کیے جاچکے ہیں، آکسیجن سپلائی کو یقینی بنانے کے حوالے سے سخت مانیٹرنگ کی جارہی ہے، این ڈی ایم اے کی جانب سے سے اب تک 2811 آکسیجن بیڈز، 431 وینٹیلٹر، 1196 آکسیجن سلنڈرز فراہم کیے گئے، این ڈی ایم اے نے 500 بائی پیپ اور 1504 فنگر پلس آکسیمٹرز بھی فراہم کیے۔ اجلاس کو بتایا گیا کہ سائنو فارم ویکسین کی پانچ لاکھ کی ایک اور کھیپ آج پاکستان پہنچ رہی ہے.

User Rating: Be the first one !

About Daily Pakistan

Check Also

نامعلوم افراد کی aاداکارہ مالا کی گاڑی پر فائرنگ، بھائی جاں بحق

فیصل آباد (غیلی پاکستان آن لائن) نامعلوم افراد نے سٹیج اداکارہ اور میک اپ آرٹسٹ …

Skip to toolbar