Daily Pakistan Online News, Sports, Blogs, Media
Related Articles
ٹی وی پر جتنا بھی کام کیا ہے اس سے مطمئن ہوں ، پرستاروں کی محبتیں زندگی کا اثاثہ ہیں ‘بشری انصاری
معیار بر قرار رکھنا مشکل کام ہے ،جب آپ مقبول ہو جائیں تو یہ ذمہ د اری اور بڑھ جاتی ہے‘ انٹرویو میں گفتگو
لاہور (ڈیلی پاکستان آن لائن) سینئر اداکارہ بشریٰ انصاری نے کہا ہے کہ ٹی وی پر جتنا بھی کام کیا ہے میں اس سے مطمئن ہوں اور جہاں تک ہو سکا میں نے بہتر سے بہتر کام کرنے کی کوشش کی ہے ، معیار بر قرار رکھنا مشکل کام ہے اور خاص طور پر جب آپ مقبول ہو جائیں تو یہ ذمہ د اری اور بھی بڑھ جاتی ہے۔
ایک انٹرویو کے دوران بشریٰ انصاری نے کہا کہ میرے پرستاروں نے مجھے ہر کردار میں پسندکیا ہے اور آج میں جس مقام اور بلندی پر کھڑی ہوں اس میں میرے پرستاروں کاسب سے بڑا ہاتھ ہے ،میں ان کی محبتوں کی مقروض ہوں کیونکہ مجھے کراچی لاہور سمیت پورے ملک جس طرح سے محبت اور چاہت ملی وہ میرے لئے ناقابل فراموش ہے اور پرستاروں کی یہ محبتیں میری زندگی کا اثاثہ ہےں ۔
بشریٰ انصاری نے کہا کہ میں ہمیشہ خوش رہتی ہوں ، دل میں کسی کےلئے حسد اور بغض نہیں رکھتی اور یہی میری خوبصورتی کا راز بھی ہے کیونکہ جب انسان کا اندر شفاف اور خوبصورت ہوتا ہے تو اس کا عکس اس کی شخصیت پر بھی واضح ہوتا ہے ۔
