Home / صفحۂ اول / ویرات کوہلی اور انوشکا شرما کی 10 ماہ کی بیٹی ’ومیکا‘ کو ’ریپ‘ کی دھمکی

ویرات کوہلی اور انوشکا شرما کی 10 ماہ کی بیٹی ’ومیکا‘ کو ’ریپ‘ کی دھمکی

ویرات کوہلی اور انوشکا شرما کی 10 ماہ کی بیٹی ’ومیکا‘ کو ’ریپ‘ کی دھمکی

نئی دہلی(ڈیلی پاکستان آن لائن) بھارتی کرکٹ ٹیم کے کپتان ویرات کوہلی کی جانب سے مسلمان کھلاڑی محمد شامی کی حمایت کرنے پر انہیں ان کی 10 ماہ کی بیٹی کی ’ریپ‘ کی دھمکی دے دی گئی۔متعدد بھارتی ٹوئٹر صارفین نے بتایا کہ پاکستان سے شکست کے بعد انتہاپسند ہندوؤں کی جانب سے بھارتی ٹیم اور خاص طور پر مسلمان کھلاڑی محمد شامی کو تنقید کا نشانہ بنائے جانے پر ان کی حمایت کرنے کے بعد ویرات کوہلی کو دھمکی دی گئی۔محمد شامی کو اس وقت سخت تنقید کا نشانہ بناتے ہوئے انہیں غدار وطن کہا گیا تھا جب کہ بھارتی ٹیم کو پاکستانی کرکٹ ٹیم نے 23 اکتوبر کو 10 وکٹوں سے شکست دی تھی۔کانٹینٹ کریئٹر اور صحافی اینڈرے بورگس نے اپنی ٹوئٹ میں بتایا کہ محمد شامی کی حمایت کرنے کے بعد ویرات کوہلی اور انوشکا شرما کی 10 ماہ کی بیٹی ’ومیکا‘ کو ’ریپ‘ کی دھمکی دی گئی۔انہوں نے کم سن بچی کو دی جانے والی دھمکی پر افسوس کا اظہار کرتے ہوئے لکھا کہ ’یہ سب کچھ اس ہندوستان میں ہو رہا ہے، جسے ہم نے خود ایسی نفرت کی جانب بڑھایا‘۔خاتون صحافی سواتی چترویدی نے انوشکا شرما اور ویرات کوہلی کی کم سن بچی کو دھمکی دینے والے اکاؤنٹ کا اسکرین شاٹ شیئر کرتے ہوئے مطالبہ کیا کہ مذکورہ شخص کو جیل میں ڈالا جائے۔انہوں نے لکھا کہ کم سن بچی کو دھمکی دینے کا عمل انہیں سخت تکلیف پہنچا رہا ہے اور یہ سب اس لیے کیا گیا کیوں کہ ویرات کوہلی نے اپنے ساتھی کھلاڑی کا ساتھ دیا۔ویرات کوہلی کے خلاف شروع کی گئی نفرت انگیز آن لائن مہم پر اداکارہ سوارا بھاسکر نے بھی ٹوئٹس کیں اور ویرات کے خلاف کی جانے والی ٹوئٹس کے اسکرین شاٹس شیئر کیے۔ویرات کوہلی کے خلاف نفرت انگیز مہم 31 اکتوبر کو اس وقت تیز ہوئی جب کہ بھارت اپنا دوسرا میچ بھی نیوزی لینڈ سے ہار گیا۔

User Rating: Be the first one !

About Daily Pakistan

Check Also

نامعلوم افراد کی aاداکارہ مالا کی گاڑی پر فائرنگ، بھائی جاں بحق

فیصل آباد (غیلی پاکستان آن لائن) نامعلوم افراد نے سٹیج اداکارہ اور میک اپ آرٹسٹ …

Skip to toolbar