Daily Pakistan Online News, Sports, Blogs, Media
Related Articles
منفرد انداز اور لب و لہجے کی ملکہ اداکارہ روحی بانو نے 80 ءکی دہائی میں پاکستانی ڈرامہ انڈسٹری پر راج کیا
لاہور ( ڈیلی پاکستان آن لائن ) ماضی کی نامور اداکارہ روحی بانو کی چوتھی برسی(آج)25جنوری کو منائی جائے گی ۔فیصل آباد سمیت ملک بھر میں ان کے چاہنے والے تقریبات کا اہتمامِ کریں گے اور کیک بھی کاٹے جائیں گئے منفرد انداز اور لب و لہجے کی ملکہ اداکارہ روحی بانو نے 80 ءکی دہائی میں پاکستانی ڈرامہ انڈسٹری پر راج کیا۔روحی بانو نے ڈرامہ کرن کہانی، سانول موڑ مہار، پھول والوں کی سیر، کانچ کا پل، زرد گلاب اور دروازہ سمیت مختلف ڈراموں میں لازوال کردار نبھائے۔انہوں نے ضمیر، پالکی، انسان، اناڑی، تیرے میرے سپنے، نوکر، زینت، پہچان، بڑا آدمی سمیت کئی فلموں میں بھی فن کے جوہر دکھائے۔اکلوتے جواں سالہ بیٹے کے نامعلوم افراد کے ہاتھوں قتل کے بعد روحی بانو اپنا ذہنی توازن کھو بیٹھیں اور کئی شب و روز فاو¿نٹین ہاو¿س میں گزارے،روحی بانو معروف طبلہ ساز استاد اللہ رکھا کی صاحبزادی تھی۔ انہوں نے صدارتی تمغہ برائے حسن کارکردگی کے علاوہ بیشمار ایوارڈز حاصل کیے۔گردوں اور دماغی عارضے میں مبتلا روحی بانو بیرون ملک زیر علاج تھی جو 25 جنوری 2019 کو انتقال کر گئیں۔
