Home / شوبز / فلم رادھے کے ٹریلرمیں وہ غلطی جس نے بنایا سلمان خان کا مذاق

فلم رادھے کے ٹریلرمیں وہ غلطی جس نے بنایا سلمان خان کا مذاق

سلمان خان کی فلم رادھے کے ٹریلر میں غلطی یا لاپرواہی؟

کراچی (ڈیلی پاکستان آن لائن) بالی ووڈ اداکار سلمان خان کی فلم ’رادھے‘ کے ٹریلر کو دیکھتے ہی مداحوں نے پسندیدگی کی سند جاری کردی تھی تاہم مداحوں نے کچھ دیر بعد ہی ٹریلر میں ایک نقص تلاش کرلیا۔

بھارتی میڈیا کے مطابق سلمان خان نے فلم کے ایک سین میں سال 2018 کی فلم ’ریس3‘ میں پہنا ہوا لباس استعمال کیا۔

سوشل میڈیا پر کاسٹیوم ڈیزائنرکی اس غلطی پر کافی تنقید کی جارہی ہے جبکہ کچھ انٹرنیٹ صارفین اس کی میمز بھی بنارہے ہیں۔ فی الحال فلم انتظامیہ کی جانب سے اس پر کوئی وضاحت سامنے نہیں آئی ہے۔

واضح رہے کہ سلمان خان اور دیشا پٹانی کے اکاﺅنٹ کے علاوہ سوشل میڈیا پر بھی ایکشن سے بھرپور اس فلم کے ٹریلر کو دیکھنے والوں کی تعداد لاکھوں میں ہے۔ایکشن سے بھرپور فلم’ رادھے‘ میں سلمان خان ڈرگ مافیا کو کنٹرول کرنے کےلئے لڑتے نظر آئیں گے۔

اداکار رندیپ ہودا فلم میں ولن کا کردار نبھا رہے ہیں جبکہ دیگر کاسٹ میں اداکارہ دیشا پٹانی اور جیکی شروف شامل ہیں۔سلمان خان کی فلم ’رادھے‘ گذشتہ سال عید پر ریلیز کی جانی تھی تاہم کورونا کے باعث اسے ملتوی کیا گیا اور اب اس عیدالفطر کے موقع پر فلم 13 مئی کو ریلیز کی جائے گی۔

User Rating: Be the first one !

About Daily Pakistan

Check Also

نامعلوم افراد کی aاداکارہ مالا کی گاڑی پر فائرنگ، بھائی جاں بحق

فیصل آباد (غیلی پاکستان آن لائن) نامعلوم افراد نے سٹیج اداکارہ اور میک اپ آرٹسٹ …

Skip to toolbar