Daily Pakistan Online News, Sports, Blogs, Media
Related Articles
شوبز شخصیات کااقوام متحدہ میں مسئلہ کشمیر کو بھرپور انداز میں اجاگر کرنے پر ترکی کے صدر کو خراج تحسین
ترکی نے ہر موقع پر پاکستان کےساتھ کھڑے ہو کر اورموقف کی تائید کر کے اسلامی برادر ملک ہونے کا ثبوت دیا ہے
لاہور(ڈیلی پاکستان آن لائن) شوبز شخصیات نے اقوام متحدہ میں مسئلہ کشمیر کو بھرپور انداز میں اجاگر کرنے پر ترکی کے صدر طیب اردگان کو خراج تحسین پیش کرتے ہوئے کہا ہے کہ ترکی نے ہر موقع پر پاکستان کے ساتھ کھڑے ہو کر اور اس کے موقف کی تائید کر کے اسلامی برادر ملک ہونے کا ثبوت دیا ہے ۔
اداکار قوی خان ، جاوید شیخ ،احسن خان ثنا، مائرہ خان ،شبنم مجید ،عائزہ خان ،دانش تیمور ،عدنان جیلانی اور اشرف خان نے اپنے بیان میں کہا کہ ترکی کے صدر طیب ادرگان نے خود کو امت مسلمہ کے لیڈر کے طور پر منوایا ہے ،ترکی کی قیادت نے ہمیشہ مظالم کا شکار مسلمان ممالک کے لئے آواز بلند کی ہے جس پر انہیں جتنا بھی خراج تحسین پیش کیاجائے وہ کم ہے ۔ انہوںنے کہا کہ وزیراعظم عمران خان بھی 25ستمبر کو اقوام متحدہ میں اپنے خطاب کے دوران دنای کے سامنے کشمیر کے مسئلے اور بھارت کی دہشتگردی کو اجاگر کریں گے جس سے مظلوم کشمیریوں کو مضبوط سفارتی مدد میسر آئے گی۔
#کشمیر، #قوی_خان، #احسن_خان، #جاویدشیخ، #مائرہ_خان، #شبنم_مجید، #ترکی، #طیب_اردگان، #اقوام_متحدہ،
