Daily Pakistan Online News, Sports, Blogs, Media
Related Articles
بیگم صفدراعوان کا ”ووٹ کو عزت دو“کا نعرہ دراصل ”مجھے لندن جانے دو“کی دہائی ہے‘ فیاض الحسن چوہان
غیر متحدہ اپوزیشن کی پی ڈی ایم ”بھان متی کا کنبہ“کی عملی تصویر ہے،اپوزیشن چاہے کے ٹو پر چڑھے یا برج خلیفہ پراین آر نہیں ملے گا
لاہور(ڈیلی پاکستان آن لائن) وزیر اطلاعات پنجاب فیاض الحسن چوہان نے کہاہے کہ پی ڈی ایم کی سیاسی لکی ایرانی سرکس کی ناکامی کی ہیٹ ٹرک ہو گئی۔
اپنے بیان میں فیاض الحسن چوہان نے کہا کہ غیر متحدہ اپوزیشن کی پی ڈی ایم ”بھان متی کا کنبہ“کی عملی تصویر ہے جس میں اختلاف کا یہ عالم ہے کہ بلاول زرداری نے کوئٹہ جلسے سے زیادہ گلگت بلتستان الیکشن کو اہمیت دی۔
انہوں نے کہا کہ بلاول زرداری اپنی سیاست کو بیگم صفدر اعوان اور نواز شریف سے دور رکھ کر عقلمندی کا ثبوت دے رہے ہیں۔کراچی جلسے میں نواز شریف کی تقریر نشر نہ کرنا اور کوئٹہ جلسے سے غیر حاضری بلاول زرداری کی سیاسی سمجھداری ہے۔ فیاض الحسن چوہان نے مزید کہا کہ بیگم صفدراعوان کا ”ووٹ کو عزت دو“کا نعرہ دراصل ”مجھے لندن جانے دو“کی دہائی ہے۔ انہوں نے برملا کہا کہ اپوزیشن چاہے کے ٹو پر چڑھے یا برج خلیفہ پر، این آر او اور کرپشن پر رعایت نہیں ملے گی۔
