Daily Pakistan Online News, Sports, Blogs, Media
Related Articles
امریکہ: سمندری طوفان آئیڈا کے بعد کئی شہروں میں سیلاب، 45 افراد ہلاک
نیو یارک(ڈیلی پاکستان آن لائن)سمندری طوفان آئیڈا نے 6 ریاستوں میں تباہی مچادی جس سے 45 افراد ہلاک ہوگئے۔امریکا میں سمندری طوفان آئیڈا نے 6 شمالی مشرقی ریاستوں میں تباہی مچادی جس کے نتیجے میں 45 افراد ہلاک ہوگئے۔ سیلاب کے باعث سینکڑوں پروازیں منسوخ ہوگئیں جب کہ ریاستوں میں ایمرجنسی نافذ کردی گئی ہے۔اس ریکارڈ بارش نے نیو یارک شہر کے لیے غیر متوقع فلیش فلڈ ایمرجنسی کی صورتحال پیدا کی، سڑکوں کو دریاں میں تبدیل کردیا اور سب وے سروسز بند کردیں کیونکہ پانی پلیٹ فارمز پر پٹریوں پر اتر گیا تھا۔میٹوڈیجا میہاجلوف جن کا مین ہٹن ریستوران کا تہہ خانہ تین انچ پانی سے بھر گیا تھا نے کہا میری عمر 50 سال ہے اور میں نے کبھی اتنی زیادہ بارش نہیں دیکھی۔انہوں نے بین الاقوامی خبررساں ادارے کو بتایا کہ یہ جنگل میں رہنے جیسا تھا، بہت زیادہ بارش تھی۔ ناقابل یقین۔ اس سال سب کچھ بہت عجیب ہے۔لا گوارڈیا اور جے ایف کے ہوائی اڈوں کے ساتھ ساتھ نیوارک میں بھی سینکڑوں پروازیں منسوخ کر دی گئیں، جہاں ایک ویڈیو میں بارش کے پانی سے ٹرمینل کو ڈوبا ہوا دکھایا گیا۔صدر جو بائیڈن نے جمعہ کے روز جنوبی ریاست لوزیانا کے دورے سے پہلے کہا کہ ہم سب اس گھڑی میں اکٹھے ہیں۔ قوم مدد کے لیے تیار ہے۔لوزیانا میں آئیڈا طوفان نے عمارتیں تباہ کی تھیں اور 10لاکھ سے زیادہ گھروں میں بجلی کی ترسیل معطل کر دی تھی۔سیلاب نے نیو جرسی اور نیو یارک بوروز بشمول مین ہیٹن ، دی برونکس اور کوئینز کی بڑی سڑکیں بند کر دیں ، کاروں کو ڈبو دیا اور اس کے نتیجے میں فائر ڈیپارٹمنٹ کو سیکڑوں لوگوں کو بچانے کے لیے ریسکیو آپریشن کرنا پڑا۔گورنر فِل مرفی نے صحافیوں کو بتایا کہ نیو جرسی میں کم از کم 23 افراد ہلاک ہوئے۔انہوں نے کہا کہ ان مرنے والوں کی اکثریت وہ افراد تھے جو اپنی گاڑیوں میں پھنس گئے۔ریاست کنیکٹیکٹ میں ایک فوجی ہلاک ہوگیا۔پولیس نے بتایا کہ نیویارک شہر میں 13 افراد ہلاک ہوئے جن میں وہ 11 افراد بھی شامل ہیں جو تہہ خانے میں موجود تھے۔ ہلاک ہونے والوں کی عمریں دو سے 86 سال کے درمیان تھیں۔ایک مقامی عہدیدار نے تصدیق کی کہ نیو یارک کے مضافاتی علاقے ویسٹ چیسٹر میں بھی تین اموات ہوئیں جبکہ پینسلوینیا کے فلاڈلفیا کے باہر مونٹگمری کانٹی میں مزید چار افراد کی موت ہوئی۔سمندری طوفان اڈا نے ہفتے کے آخر میں لوزیانا میں داخل ہونے کے بعد شمال میں تباہی کا آغاز کیا جس کے بعد شدید سیلاب اور بگولے آئے۔نیو یارک کے میئر بل ڈی بلاسیو نے بدھ کے روز کہا کہ ہم آج رات شہر میں ریکارڈ توڑ بارش ، خوفناک سیلاب اور سڑکوں پر خطرناک حالات کے ساتھ موسم کا ایک تاریخی واقعہ جھیل کر رہے ہیں۔نیو یارک اور نیو جرسی میں سٹیٹ ایمرجنسی کا اعلان کیا گیا جبکہ قومی موسمیاتی سروس نے نیو یارک شہر کے لیے پہلی بار ہنگامی فلیش سیلاب کی وارننگ جاری کی جس میں رہائشیوں پر زور دیا گیا کہ وہ اونچی جگہوں پر چلے جائیں۔سائنسدانوں کا کہنا ہے کہ گرمی کی وجہ سے سائیکلون(بگولے) زیادہ طاقتور ہو رہے ہیں اور زیادہ پانی لے جا رہے ہیں جو دنیا کی ساحلی آبادیوں کے لیے بڑھتا ہوا خطرہ ہے۔این ڈبلیو ایس نے خبردار کیا کہ بگولوں کا خطرہ برقرار رہے گا۔
