Daily Pakistan Online News, Sports, Blogs, Media
Related Articles
اشتعال انگیز اور دھمکی آمیز انگیز تقریر معاملے پر ملزم آغا افتخار الدین کی بعد از گرفتاری درخواست ضمانت پر فیصلہ محفوظ
اسلام آباد (ڈیلی پاکستان آن لائن) انسداد دہشتگردی عدالت نے اشتعال انگیز اور دھمکی آمیز انگیز تقریر معاملے پر ملزم آغا افتخار الدین کی بعد از گرفتاری درخواست ضمانت پر فیصلہ محفوظ کرلیا ۔
جمعرات کو انسداد دہشت گردی عدالت جج راجہ جواد عباس نے سماعت کی ۔ملزم آغا افتخار الدین کی اہلیہ نے شوہر کی۔طرف سے دلائل دئیے۔ وکیل درخواست گزار نے کہاکہ آغا افتخار الدین نے تنقید کی تھی کسی کو دھمکی نہیں لگائی، آغا افتخار الدین دل کے عارضے میں مبتلا ہیں۔
ملزم کے وکیل نے استدعا کی کہ عدالت ضمانت پر رہا کرنے کا حکم دے، ۔ اسسٹنٹ ڈائریکٹر ایف آئی اے نے کہاکہ ملزم نے مسلح افواج اور عدلیہ کے درمیان مسائل پیدا کرنے کی کوشش کی۔ ایف آئی اے نے کہاکہ گرفتاری کے وقت ملزمنے خود کو دل عارضے میں مبتلا ہونے کا ظاہر کیا، ملزم آغا افتخار الدین کو اسپتال منتقل کیا جہاں ڈاکٹرز ادویات دیکر ڈسچارج کردیا۔ایف آئی اے نے عدالت سے درخواست ضمانت مسترد کرنے کی استدعا کر دی ۔
