آپریشنل مسائل کے باعث پی آئی اے کی 4پروازیں منسوخ، 36تاخیر کا شکار

لاہور ( ڈیلی پاکستان آن لائن) پاکستان انٹرنیشنل ایئر لائنز (پی آئی اے)کو حالیہ دنوں متعدد آپریشنل مسائل کا سامنا ہے جس کے باعث ہفتہ کے روز بھی 4پروازیں منسوخ اور 36پروازیں تاخیر کا شکار رہیں ،ایوی ایشن ذرائع کے مطابق اسلام آباد سے کوئٹہ کی پروازیں پی کے 325اور 326، اسلام آباد سے دبئی کی پرواز پی کے 233اور ملتان سے کراچی کی پی آئی اے کی پرواز پی کے 331منسوخ کردی گئی۔ذرائع نے بتایا کہ کراچی سے کوئٹہ کی پروازیں پی کے 310اور 311ساڑھے 4گھنٹے سے زائد کی تاخیر ہوئیں جبکہ کراچی سے دبئی، جدہ، مدینہ اور استنبول کی بھی مقررہ وقت پر اڑان نہ بھر سکیں۔اسی طرح اسلام آباد سے دمام کے لیے پرواز پی کے 245کی روانگی میں ساڑھے 12گھنٹے جبکہ کوئٹہ سے جدہ کی پرواز پی کے 767کی روانگی میں ڈیڑھ گھنٹے سے زائد کی تاخیر ہوئی۔ اس کے علاوہ دیگر پروازیں بھی تاخیر کا شکار رہیں جس کی وجہ سے مسافروں کو مشکلات کا سامنا کرناپڑا ۔